Wantete wa Paulu Kuna kwa Timoteo 4:1-16
4 Kansi, e diambu diavumunuinua ditoma* vovanga vo, muna lumbu ikwiza ankaka bebembola lukwikilu yo tamba matu muna mvovo mialuvunu miavumunuinua kwa mianda miambi+ ye malongi ma nkuya,
2 yo wunikina umpuki* wa akwa luvunu,+ ana bena ye ntona zababulwa nze muna sengwa kia tiya.
3 Besimanga o sompa+ yo kanikina nkangu bayambula dia madia+ mana Nzambi kavanga kimana awana bekwikilanga+ ye batomene zaya e ludi badianga+ yo vutula matondo.
4 Kadi lekwa yawonso kavanga Nzambi yambote,+ kavena eki kifwete bembolwa ko+ avo kitambulwa kuna matondo,
5 kadi kiveleleswanga muna diambu dia Nzambi ye muna sambu.
6 Avo ovene longi diadi kw’ampangi, okala selo kiambote kia Kristu Yesu, wasansukila muna mambu ma lukwikilu ye malongi mambote mana otoma landanga.+
7 Venga tusansu twa luvunu ye lutiangu,+ nze tuna tuvovuanga kwa akento anunu. Kuna diaka e sambu, sia e ngolo* kimana wakala yo vumi wa Nzambi.
8 Kadi o nana e nitu nluta wandwelo ditwasanga, kansi o vumi wa Nzambi nluta utwasanga muna mambu mawonso, kadi una yo nsilu wa nsambu za zingu kiaki ye kina kikwiza.+
9 Diambu diadi dia ziku ye difwene tambulwilwa emvimba.
10 Muna diadi tufuntukilanga yo siamanana,+ e kuma kadi tusidi e vuvu kieto muna Nzambi amoyo, ona wina vo i Mvuluzi+ a wantu a mpila zawonso,+ musungula akwa kwikizi.
11 Kwamanana vana e nkanikinu miami yo longa mio.
12 Kuyambula ko vo muntu kaveza kileke kiaku. Kala kaka se mbandu kwa minkwikizi muna mvovo miaku, muna mavangu, muna zola, muna lukwikilu ye muna kadilu kiavelela.
13 Yavana ikwiza, kwamanana kuyivana muna tangila nkangu e sono yavelela,+ muna kasakesa* yo longa.
14 Kuvezi* lukau luna omu ngeye ko, luna wavewa muna ungunza vava e buka kia akuluntu bayambika moko.+
15 Toma yindula mambu mama; ukivana mo emvimba, kimana lunungunuku lwaku lwamoneka kwa wantu awonso.
16 Vanga mawonso kimana wakala se mbandu ambote ye nlongi ambote.+ Zindalala muna mambu mama, kadi muna vanga wo ovuluzwa kumosi ye awana bekuwanga.+
Mvovo vana yand'a lukaya
^ Mvovo wa sina: “o mwanda utoma.”
^ Yovo “disu ku nsi a lukaya.”
^ Mvovo wa sina: “wiyisinsa; nana e nitu.”
^ Yovo “wondelela.”
^ Yovo “Kulengeleka.”
