Wantete wa Tusansu 5:1-26
5 Awaya i wan’a Rubeni+ wa mwan’antete a Isaele. Yandi i mwan’antete, kansi wau kasafula mfulu a se diandi+ e kimbuta kiandi kiavewa kwa wan’a Yosefe+ wa mwan’a Isaele, i dianu vo muna luvila kasonama ko se mwan’antete.
2 Kana una vo Yuda+ wasunda mpangi zandi ye ndiona wakituka se mfumu muna yandi kayizila,+ kansi e lau dia kimbuta diavewa kwa Yosefe.
3 O wan’a Rubeni wa mwan’antete a Isaele: Kanoke, Palu, Keserone yo Kami.+
4 O wan’a Yoele: Semaya wa mwan’andi, Ngonge wa mwan’andi, Simei wa mwan’andi,
5 Mika wa mwan’andi, Raya wa mwan’andi, Bale wa mwan’andi
6 yo Bera wa mwan’andi ona wanatwa muna kinkole kwa Tingelate-pilenese wa Ntinu a Asuri;+ yandi i ntu a Anerubeni.
7 Ezazi i mpangi zandi mun’owu wa vumu yau, vava basonekwa muna tuvila twau. E ntu miau, Yiele, Zakariya
8 yo Bela wa mwan’a Azazi wa mwan’a Sema wa mwan’a Yoele ona wakalanga muna mvivu a Arowa+ yakuna Nebo ye Bale-mone.+
9 Kuna este, wabaka zunga kialwaka yakuna lubantiku lwa makanga mena kuna Nzadi a Uferate,+ kadi e twelezi yau yawokela muna Ngiladi.+
10 Muna lumbu ya Saulu, banuana yo Akangere, babatufakesa yo zingila muna saba yau kuna este a Ngiladi.
11 O wan’a Ngadi bazingilanga lukufi yo yau muna nsi a Basani yakuna Saleka.+
12 Muna Basani, Yoele wakala se ntu, Safame wanzole, Yanai yo Safati.
13 Mpangi zau muna nzo za mase mau: Mikaele, Mesulame, Seba, Yorai, Yakani, Ziya yo Ebe, nsambwadi.
14 Awaya i wan’a Abikaile wa mwan’a Kuri, wa mwan’a Yaroke, wa mwan’a Ngiladi, wa mwan’a Mikaele, wa mwan’a Yesisai, wa mwan’a Yakedo, wa mwan’a Buze.
15 Aki wa mwan’a Abediele wa mwan’a Nguni, yandi i ntu a nzo a mase mau.
16 Bakedi muna Ngiladi,+ muna Basani+ ye muna mavata mandi* ye muna madilu mawonso ma Sarone, yamuna mingilu miau.
17 Awonso awaya basonekwa muna tuvila muna lumbu ya Yotame wa Ntinu+ a Yuda ye muna lumbu ya Yerobame*+ wa Ntinu a Isaele.
18 Anerubeni ye Anengadi ye bula-kati kwa kanda dia Manase, bakala yo 44.760 ma mabamba-ngolo ana banatanga ngubu ye nsosolo, yo nonga e mfumba,* balongwa nuana e vita.
19 Banuene ye Akangere,+ Yetule, Nafisi+ yo Nodabe.
20 Wau badodokele kwa Nzambi mu lomba lusadisu yo kumbunda e vuvu, Nzambi owidi ndodokela zau yo kubasadisa muna vita, i dianu vo, oyekwele Akangere ye awonso bakala yau vana moko mau.+
21 Babakidi twelezi yau—e samo zau, 50.000, o mameme 250.000, e mabuluku 2.000 kumosi ye 100.000 ma wantu.
22 Ndonga bavondwa, kadi e vita ya Nzambi aludi.+ Bavingidi muna fulu yau, yavana banatwa kuna kinkole.+
23 O wan’a bula-kati kwa kanda dia Manase+ bazingilanga tuka kuna nsi a Basani yakuna Bale-kemone, Seni ye Mongo a Keremone.+ Ndonga ayingi bakala.
24 Awaya i ntu mia nzo za mase mau: Efe, Yisi, Eleyele, Azerele, Yeremiya, Odaveya yo Yakediele; makesa mankuma ye akwa tunda, bakala se ntu mia nzo za mase mau.
25 Kansi, ke basikila ye kwikizi ko muna Nzambi a mase mau, batá zumba ye nzambi za nkangu a nsi,+ ana Nzambi kafwasa vana bena.
26 Muna kuma kiaki, Nzambi a Isaele obundumwini mwand’a Pule wa ntinu a Asuri+ (i sia vo, Tingelate-pilenese+ wa Ntinu a Asuri) oyalwidi Anerubeni, Anengadi ye bula-kati kwa kanda dia Manase, ubanete kuna Kalaki, Kabo, Kara ye kuna zunga kia nkoko a Ngozane,+ bakinu kuna yamu unu kiaki.
Mvovo vana yand'a lukaya
^ Yovo “mavata mandi manzungidi.”
^ I sia vo, Yerobame wanzole.
^ Mvovo wa sina: “badiatanga mfumba.”
