Wanzole wa Paulu Kuna kwa Esi Korinto 10:1-18
10 Omono Paulu, inudodokele muna lulembamu yo wete wa Kristu,+ vava ikalanga yeno nukumbadikilanga se ntovoki,+ kansi avo kina yeno ko nukumbadikilanga vo nkwa unkabu.+
2 Inudodokele vo, avo ngizidi kwa yeno kizolele kabuka ko yo baka e nzengo zina nkanini kw’akaka ana bekutubadikilanga vo mu kinitu tukangalelanga.
3 Kadi, kana una vo muna kinitu tukangalelanga, ke tunuananga vita ya kinitu ko.
4 Kadi e nuaninua yeto ke ya kinitu ko,+ kansi ya nkum’a Nzambi+ kaka muna bangula e nzo zangolo.
5 Kadi tubangulanga makani mambi ye nkaku miawonso misiwanga mu kakidila zayi wa Nzambi+ yo bunduna ngindu zawonso kimana zatumamena Kristu;
6 twakubama muna tumba ukolami wawonso,+ vava kilunga nlemvo weno.
7 Oyeno nufundisanga wantu muna mpw’au. Avo muntu una ye ziku vo kwa Kristu kavuilu, yambula katoma yindula diaka diambu edi: Wauna oyandi kavuilu kwa Kristu, oyeto mpe kwa Kristu tuvuilu.
8 Kadi avo ikisanini kwayingi muna wisa kina twavewa kwa Mfumu kimana twanukumika, ke mu kunubwisa ko,+ kifusuka nsoni ko.
9 Kadi kizolele songa ko vo wonga ikunumwesanga muna nkanda miame.
10 Kadi bevovanga vo: “E nkanda miandi miankuma ye ngolo, kansi avo olweke, e mpw’andi yatovoka, e mpov’andi mpe ke ina mfunu ko.”
11 Yambula muntu ndioyo kazaya wo vo, konso dina tuvova* muna nkanda avo ke tuna vo ko, i diau mpe tuvanga* avo tuna vo.+
12 Ke tuvavanga kuyisia tezo kimosi ko ngatu kuyifwananesa ye ankaka ana bakisongele.+ Kadi vava bekukifimpanga muna ngindu za yau kibeni yo kukitezanesa muna yau kibeni, besonganga vo ke bena ye umbakuzi ko.+
13 Kansi oyeto ke tukuyisana mu mpila iviokele tezo ko. Tukuyisanina kaka mu lunganisa e salu katuvana Nzambi. E salu kiaki kialwaka mpe kwa yeno.+
14 Kieleka, oyeto ke tuviokanga mwingilu a zunga kieto ko, nze vika sia vo oyeno ke luna mu zunga kieto ko, kadi yeto twateka lwaka kwa yeno ye nsangu zambote mu kuma kia Kristu.+
15 Ke tukuyisana mu mpila iviokele tezo ko, i sia vo, muna salu yangani, kansi tuna ye vuvu vo ekolo lukwikilu lweno lukwamanana wokela, e salu kina twasala kiakwamanana wokela muna zunga kieto. Oyeto mpe tuwokesa diaka e salu,
16 kimana twasamuna e nsangu zambote muna zunga yankaka, twalembi kuyisanina muna zunga kiangani kiasadilwa kala.
17 “Kansi ndiona okuyisana, yambula kayisanina muna Yave.”*+
18 Kadi Yave* ke yangalelanga muntu okuyisananga ko,+ kansi ndiona kaka kesanisinanga yandi kibeni.+
Mvovo vana yand'a lukaya
^ Mvovo wa sina: “konso una twina muna mvovo.”
^ Mvovo wa sina: “i wau mpe tuna muna mavangu.”
