Ezera 5:1-17
5 I bosi, Kangai+ wa ngunza yo Zakariya+ wa ntekelo a Ido,+ basakwidi kwa Ayuda muna Yuda ye Yerusaleme muna nkumbu a Nzambi a Isaele ona wakala yau.
2 O Zerubabele+ wa mwan’a Saletiele yo Yesua+ wa mwan’a Yosadake, bayantikidi tungulula e nzo a Nzambi+ ina yakala kuna Yerusaleme; e ngunza za Nzambi bakala yau, zabasadisa.+
3 E ntangwa yayina, Tatenai wa nguvulu a mvivu kuna Simu dia Nzadi,* yo Seta-bozenai ye akwau, bezidi kwa yau babayuvuidi vo: “Nani unuvene o nswa watunga e nzo yayi yo manisa e yaka kiaki?”
4 Babayuvuidi diaka vo: “Azeyi i nkumbu za wantu ana betunganga e nzo yayi?”
5 Kansi, Nzambi wayingilanga* akuluntu a Ayuda,+ ke babaningamesa ko yavana batwika e nsangu kwa Dareyuse, o ntinu watwika o nkanda mu vana e mvutu mu kuma kia diambu diodio.
6 O mama i mambu ma nkanda watwika Tatenai wa nguvulu a mvivu kuna Simu dia Nzadi yo Seta-bozenai ye akwandi ye alandi a nguvulu a mvivu kuna Simu dia Nzadi,* kuna kwa Dareyuse wa ntinu;
7 bantwikidi nsangu, i wau wuwu basonekene:
“Kuna kwa Dareyuse:
“Luvuvamu kw’awonso!
8 Yambula diazayakana kwa ntinu vo twayele muna mvivu a Yuda, kuna nzo a Nzambi anene eyi ina tungululwa muna matadi mampwena ye mabaya masilu muna yaka. E salu mutoma salwa kina kwa nkangu, kinungunukanga muna ngolo zau.
9 Ozevo, tuyuvuidi akuluntu au, oku vo: ‘Nani unuvene o nswa watunga e nzo yayi yo manisa e yaka kiaki?’+
10 Tuyuvuidi nkumbu zau kimana twasonekena nkumbu za wantu bevitanga o ntu.
11 “Ezazi i mvutu batuvene: ‘Oyeto tu ntaudi za Nzambi a zulu yo ntoto, tutungululanga nzo yayi yatungwa vioka mvu miayingi kwa ntinu mosi anene a Isaele.+
12 Kansi, wau vo mase meto mafungisa Nzambi a zulu o makasi,+ wabayekola vana moko ma Nebukandesa wa Ntinu+ a Babele wa Nkaladi, ona wafwasa nzo yayi+ yo nata nkangu kuna Babele.+
13 Kansi, muna mvu wantete wa Kurese wa Ntinu a Babele, o Kurese wa Ntinu wavana nswa watungulula nzo yayi ya Nzambi.+
14 Vana ntandu, e salanganu ya wolo ye palata ya nzo a Nzambi ina Nebukandesa kabonga muna tempelo a Yerusaleme yo twasa yo muna tempelo a Babele,+ Kurese wa Ntinu wavaikisa yo muna tempelo a Babele yo tambika yo kwa Sesebasa*+ ona Kurese kayadika se nguvulu.+
15 Kurese umvovese vo: “Tambula e salanganu yayi. Wenda yo sia muna tempelo muna Yerusaleme, yambula nzo a Nzambi yatungululwa vana fulu kiandi kiantete.”+
16 I dianu vo, Sesebasa wayiza, wakuba e nkubilwa ya nzo a Nzambi+ muna Yerusaleme; ozevo tuka ntangwa yayina yamu wau, yakinu tungwa, kansi ke yamene ko.’+
17 “Owau, avo dimonekene vo diambote kwa ntinu, yambula e lundilu dia ntinu diavavululwa koko Babele, muna zaya kana vo Kurese wa Ntinu wavana nswa watungulula e nzo yayi ya Nzambi muna Yerusaleme; o ntinu katutwikila e nzengo zandi muna diambu diadi.”+
Mvovo vana yand'a lukaya
^ E mvivu a simu dia Nzadi i zunga ya weste a Uferate.
^ Mvovo wa sina: “e disu dia Nzambi au diakala muna.”
^ E mvivu a simu dia Nzadi i zunga ya weste a Uferate.
^ Nanga i Zerubabele oyikwanga muna Ezera 2:2; 3:8.
