Kuna kwa Esi Kolosai 2:1-23
2 Nzolele nuazaya wo vo vita yampwena inuananga muna wete dieno ye awana bena kuna Laodikia+ ye muna wete dia awonso ana ke bamwene ntete ndose ame ko.*
2 Kimana e ntima miau miafiaulwiswa,+ bayikakiana muna zola,+ yo tambula umvuama wawonso wa lusikidisu lwa umbakuzi wau, kimana bakala yo zayi wasikila wa mbumb’avauka ya Nzambi, i sia vo, Kristu.+
3 Muna yandi i mwaswekamena tusalu twawonso twa ngangu yo zayi.+
4 Mpovele wo kimana valembi kala muntu okunuvunina muna mvovo mia malengo.
5 Kanele vo kina yeno ko muna nitu, ngina yeno muna mwanda, iyangalalanga mu mona e nkubika zeno zambote+ yo lukwikilu lweno lwasikila muna Kristu.+
6 Dianu vo, wauna nuatambulwila Kristu Yesu wa Mfumu, nukangalelanga muna yandi,
7 nusimama e mianzi yo kumikwa muna yandi,+ nuasikila muna lukwikilu,+ wauna nualongwa, yo wokesa matondo.+
8 Nutoma kuyikenga valembi kala muntu okunubunduna mun’owu wa ndongota yo luvuki+ lwa tusansu twa wantu, yo mambu ma nza makondwa o mfunu, ke mun’owu wa Kristu ko;
9 kadi muna yandi i mukalanga e fu yawonso ya Nzambi, muna nitu.+
10 Dianu vo, muna yandi ke nukondelo lekwa ko, yandi i ntu a luyalu lwawonso ye wisa.+
11 Muna ngwizani eno yo yandi nuazengelwa o zengwa kuna vo ke kwa moko ko, muna katula e nitu a kinsuni,+ kansi o zengwa kuna vo kwa Kristu.+
12 Kadi nuazikwa kumosi muna luvubu lwandi,+ muna ngwizani eno yo yandi nuafulwa+ mpe kumosi muna diambu dia lukwikilu lweno muna mavangu ma nkum’a Nzambi, ona wamfula muna mafwa.+
13 Vana ntandu, kanele vo nuafwa nuakala muna masumu meno yo lembi zengwa muna nitu zeno, Nzambi wanuvana o moyo kumosi yo yandi.+ Kuna mvevo waloloka masumu meto mawonso+
14 yo vunzuna* o nkanda+ una wasonekwa o nsiku+ una watusianga e kitantu.+ Wakatula wo muna nzila wau kakoma wo vana nti ampasi.*+
15 Muna nti ampasi* wau mu kasundila tuyalu ye akwa wisa, wabasenzeka vo basundilu vana meso ma ndonga,+ yo kubadiatisila muna nkembo a nsundidi.
16 Dianu vo, ke nuyambula ko vo muntu kanufundisa mu kuma kia dia yo nua+ yovo kembelela nkinzi yovo nzangam’a ngonde+ ngatu lunda lumbu kia vundu.+
17 O mambu mama i kini* kia mana mekwiza,+ kansi e ziku kia mambu mama i Kristu.+
18 Ke nuyambula konso muntu ko osonganga lulembamu lwa luvunu yo sambila ambasi kanukutumuna o nsendo,+ “wau kesiandamanga” mu mana kamwene. Okuyitundidikanga nkatu-nkatu muna nyindu andi a kinitu,
19 ke simbininanga ntu ko,+ una vo muna yandi e nitu yawonso idikilwanga yo yikakeselwa kumosi muna mayikilu ye mianzi, kimana yavongela wauna Nzambi kezolanga.+
20 Avo nuafwa kumosi yo Kristu muna mambu ma nza makondwa o mfunu,+ ekuma nuzingilanga vika sia vo nuakinu wantu a nza yo lunda diaka nsiku:+
21 “Kusimbi ko, kuyeleka ko, kuviakana ko,”
22 e lekwa yawonso ikuyifwilanga muna sadilwa, mun’owu wa nkanikinu ye malongi ma wantu?+
23 Kanele vo mambu mama malenda moneka vo mangangu, wau basikidisa nsambila ya yau kibeni yo songa lulembamu lwa kukivunina, yo bangika e nitu,+ ke mena kwandi mfunu ko, kadi ke malendi kakidila e zolela ya nitu ko.
Mvovo vana yand'a lukaya
^ Mvovo wa sina: “ke bamwene ndose ame muna nitu ko.”
^ Yovo “katula.”
^ Tala Nsas’a Mvovo.
^ Tala Nsas’a Mvovo.
^ Yovo “ninga.”
