Kuna kwa Esi Kolosai 3:1-25
3 Kansi, avo nuafulwa kumosi yo Kristu,+ nukwamanana vava mambu ma zulu, kuna o Kristu kavuandidi kuna koko kwalunene kwa+ Nzambi.
2 Nukwamanana sia e sungididi muna mambu ma zulu,+ ke ma nza ko.+
3 Kadi nuafwa, o moyo eno waswekama yo Kristu muna Nzambi.
4 Vava Kristu una vo i moyo eto+ kesengomoka, oyeno mpe nusengomoka yandi muna nkembo.+
5 Dianu vo, nufwasa yîkwa yeno+ ina ova nza, mu diambu ditadidi mavangu ma zumba,* mavangu ma usafu, zinu diasaka dia vukana,+ keto diambi ye loko, dina vo i nsambil’a teke.
6 Muna kuma kia mambu mama i mukwizila makasi ma Nzambi.
7 Yeno mpe, mambu mama nuavanganga* muna kadilu kieno kiankulu.+
8 Kansi, owau nufwete yambula mawonso mama: nsita, makasi, mbi+ ye mvovo mialutiangu;+ nufwete katula moko yansoni+ muna nua mieno.
9 Ke nuyivuningi ko.+ Nukatula kiwuntu kiankulu+ ye mavangu mandi,
10 nuvuata kiwuntu kiampa,+ kina kivangululwanga muna zayi wasikila mun’owu wa fwaniswa kia Ndiona wasema kio,+
11 muna kiwuntu kiampa ke muna nkutu Mungerekia ko ngatu Nyuda, ndiona wazengwa yovo walembi zengwa, nzenza, Nsekutia,* ntaudi yovo mvevoki; kansi Kristu i mambu mawonso ye wina muna awonso.+
12 Dianu vo, wau vo nuasolwa kwa Nzambi,+ nuavelela yo zolwa, nuvuata walakazi,+ nkenda, lusakalalu,+ lulembamu+ yo luzindalalu.+
13 Nuvezananga mambu yo loloka muntu yo nkwandi kuna mvevo,+ kana nkutu vo muntu obakidi nkwandi diambu.+ Wauna Yave* kanulolokela kuna mvevo, oyeno mpe i wau nufwete vanga.+
14 Kansi, vana ntandu a mambu mama mawonso, nuvuata o zola,+ kadi i kangwa kiazikuka kia kintwadi.+
15 Yambula luvuvamu lwa Kristu lwayala omu ntima mieno,+ kadi muna luvuvamu lwalu nuabokelelwa muna nitu imosi. Nuvutulanga matondo.
16 Yambula diambu dia Kristu diakala muna ntima mieno ye ngangu zawonso. Nulonganga yo kasakesa* muntu yo nkwandi muna nkunga,+ muna sanisina Nzambi, muna nkunga mia kimwanda yo matondo, nuyimbidila Yave* muna ntima mieno.+
17 Konso mana nuvova yovo vanga, mawonso nuvangila mo muna nkumbu a Mfumu Yesu, nutondanga Nzambi wa Se muna yandi.+
18 Yeno akento, nusakalelanga akazi eno,+ wauna ufwene muna Mfumu.
19 Yeno akala, nuzolanga akazi eno,+ ke nubafungilanga makasi ma ndudi ko.*+
20 E wana, nulemvokelanga mase meno ye ngudi zeno muna mawonso,+ kadi ediadi dia luyangalalu kuna kwa Mfumu.
21 Amase, ke nufungisa wan’eno makasi ko,+ kimana balembi kendalala.
22 Antaudi, nulemvokelanga mfumu zeno ova ntoto muna mawonso,+ ke vava nutalwanga kaka ko, muna yangidika wantu, kansi ye ntim’asikila yo vumi wa Yave.*
23 Mawonso nuvanga, nuvangilanga mo ye nsi a ntima wawonso nze kuna kwa Yave,*+ kansi ke kwa wantu ko,
24 kadi nuzeye wo vo kuna kwa Yave* nutambula e vua dieno se nsendo.+ Nusala se ntaudi za Mfumu, Kristu.
25 Kadi ndiona ovanganga e mbi otambula e mbi ina kevanganga,+ kavena mpambula ko.+
Mvovo vana yand'a lukaya
^ Muna Kingerekia, por·nei′a. Tala Nsas’a Mvovo, “Mavangu ma Zumba.”
^ Yovo “i wau nuakangalelanga.”
^ “Nsekutia” i muntu walembi temoka.
^ Yovo “wondelela.”
^ Yovo “ke nubabangikingi ko.”
