Lusengomono kwa Yoane 10:1-11
10 Mbwene mbasi yankaka yangolo, ikulumukanga tuka kuna zulu, ivuete* e tuti ye nkongolo vana ntu andi, e ndose andi ina nze ntangwa,+ o malu mandi nze malunzi ma tiya,
2 ikedi ye nkanda wakete wazingwa vana koko kwandi. Kulu kwandi kwalunene kwakala muna kalunga, kansi kuna kwalumonso vana ntoto,
3 ikazidi muna nding’a ngolo nze nkosi ikwitanga.+ Vava ikazidi, e miandazi*+ nsambwadi mivovele.
4 Vava miandazi* miau nsambwadi miavova, nkubamene mu soneka, kansi ndinga itukidi kuna zulu ivovele vo:+ “Lunda* mambu mana mavovele miandazi nsambwadi, kusoneki mo ko.”
5 E mbasi ina yamona yatelama vana kalunga ye vana ntoto izangwidi o koko kwandi kwalunene kuna zulu yo
6 dia e ndofi kwa Ndiona ozinganga yamu mvu ya mvu,+ ona wasema e zulu ye lekwa ina mo, o ntoto ye lekwa ina mo ye kalunga ye lekwa ina mo:+ “Nzambi ke vingila diaka ko.
7 Kansi muna lumbu ina e mbasi ina yansambwadi+ ikubama mu sika e mpungi andi,+ e mbumb’avauka+ ina Nzambi kasamuna se nsangu zambote kwa ntaudi zandi angunza,+ ilwaka ku mfoko.”
8 Ngwidi ndinga itukidi kuna zulu,+ impovese diaka vo: “Wenda, baka o nkanda wakete wazingwa vana koko kwa mbasi ina itelamene muna kalunga ye vana ntoto.”+
9 Ngiele kwa mbasi, imvovese kampana o nkanda wakete. Umpovese vo: “Bonga wo, wadia wo,+ ukala se nlulu muna vumu kiaku, kansi muna nu’aku ukala wanzenzo nze wiki.”
10 Mbongele o nkanda wakete vana koko kwa mbasi, ndidi wo,+ uzenzele omu nu’ame nze wiki,+ kansi muna vumu kiame uludidi.
11 Ngwidi ndinga impovese vo: “Ofwete sakula diaka mambu ma wantu ye zula ye ndinga ye ntinu miayingi.”
Mvovo vana yand'a lukaya
^ Yovo “izingilu.”
^ Yovo “mbandanu.”
^ Yovo “mbandanu.”
^ Yovo “Sia dimbu.”
