Zasoneka Matai 28:1-20
28 Vava e Lumbu kia Vundu kiviokele, o kuma vava kwakianga muna lumbu kiantete kia lumingu, Maria Mandala yo Maria wankaka, bele tala e ziami.+
2 Vakedi nzakam’angolo a ntoto, kadi mbasi a Yave okulumukini tuka kuna zulu, wizidi nengomona e tadi, ovuandidi dio.+
3 E mpw’andi nze nsemo, e mvuatu andi wampembe nze mvul’ampembe.+
4 Muna kuma kia wonga wandi, ayingidi bazakamene yo kituka nze wantu afwa.
5 Kansi, o mbasi ovovese akento vo: “Ke numoni wonga ko, kadi nzeye wo vo Yesu ona wavondelo vana nti nuvavanga.+
6 Kena mo ko, kadi ofulukidi kwandi nze una kavova.+ Nuiza tala e fulu kalekeswa.
7 Nuenda nswalu yo zayisa kw’alongoki andi vo ofulukidi muna mafwa, kadi vita kekunuvita kuna Ngalili.+ Kuna nukumwena. Nusungamena dina inuvovese.”+
8 Bakatukidi mu nswalu vana ziami,* kuna wonga ye kiese kiayingi bele ntinu mu zayisa e nsangu kw’alongoki andi.+
9 Yesu owananene yau, oku vo: “Kiambote kieno!” Bamfinamene yo simbinina malu mandi, bamvumbamene.
10 I bosi, Yesu ubavovese vo: “Ke numoni wonga ko! Nuenda zayisa mpangi zame kimana benda kuna Ngalili, i kuna bekumbwena.”
11 Ekolo bekwendanga, ankaka muna ayingidi+ bele muna mbanza yo zayisa kwa nganga zambuta mawonso mabwidi.
12 I bosi balungalakene ye akuluntu, bavuende mfulu, bavene sekele zayingi za palata kwa makesa,
13 oku vo: “Nuvova vo, ‘Alongoki andi bezidi kunyiya muna fuku wau tulele.’+
14 Avo ediadi diwakane muna matu ma nguvulu, tukunsasila dio,”* ke nutokani ko.
15 Batambwidi e sekele za palata, bavangidi una bavoveso, lusansu lwalu lumwangane vana vena Ayuda yamu unu kiaki.
16 Vo i alongoki 11, bele kuna Ngalili,+ kuna mongo una o Yesu kabakanikina vo i kuna bewawanena.+
17 Vava bamwene, bamvumbamene, kansi ankaka bakatikisi.
18 Yesu ubafinamene, ubavovese vo: “E wisa kiawonso kia zulu ye nza kiveno kwa mono.+
19 Dianu vo, nuenda, nuakitula wantu a zula yawonso se alongoki,+ nubavubila+ muna nkumbu a Se yo Mwana yo mwand’avelela,
20 nubalonga balunda o mambu mawonso inukanikini.+ Tala, ngina yeno e lumbu yawonso yakuna mbaninu a tandu.”*+
Mvovo vana yand'a lukaya
^ Mvovo wa sina: “ziami kia luyindulu.”
^ Yovo “tukunkwikidisa.”
^ Tala Nsas’a Mvovo.
