Mavangu ma Zintumwa 24:1-27
24 Vioka lumbu tanu, Ananiya wa ngang’ambuta+ okulumukini kuna Kaisaria kumosi ye akuluntu ankaka ye mpovi mosi* nkumbu andi Tetulo, bezidi funda Paulu kwa nguvulu.+
2 Vava kabokelwa, Tetulo oyantikidi kumfunda, oku vo:
“Wau vo tuna ye luvuvamu lwayingi mu kuma kiaku, muna lulungalalu lwaku, e nsobani mpe mu vangama zina muna zula kiaki,
3 e Mfumu Feleka, wau tuzeye e diambu diadi, ntangwa zawonso ye muna fulu yawonso, tuvutulanga matondo.
4 Kansi muna lembi kudia e ntangwa yayingi, idodokele watuwa mu fikolo muna ntim’aku a nleka.
5 Kadi tumwene vo muntu ndioyo una nze vuku,+ otwasanga nkindu+ vana vena Ayuda awonso ova nza, yandi mpe mosi muna afidi alandi a malongi ma esi Nazarete.+
6 Tempelo mpe kazolele safula, dianu tumbakidi.+
7 * ——
8 Vava okumfimpa ngeye kibeni, ozaya e ziku kia mambu mama mawonso tumfundidi.”
9 Ayuda mpe bayikamene o mfundu, batambulwidi vo mambu mama maludi.
10 Vava o nguvulu kavene o nswa kwa Paulu kavova, oyandi ovutwidi vo:
“Wau ntomene wo zaya vo ongeye u mfundisi a zula kiaki tuka mvu miayingi, dianu vo yakubama muna kuyivovela.+
11 Wau vo ngeye kibeni olenda dio fimpa, ke vaviokele lumbu 12 ko tuka yatombokela kuna Yerusaleme muna sambila;+
12 ke basidi kumbona ko yatantana yo muntu muna tempelo ngatu nikuna e nkindu vana vena e ndonga muna masambilu yovo muna mbanza.
13 Ke balendi mpe kusonga e ziku ko muna mambu bekumfundilanga owau.
14 Kansi ntambulwidi dio kwa ngeye vo, mun’owu wa nzila yayi beyikilanga vo dibundu diampa, isadilanga Nzambi a mase mame e salu kiavauka+ yo kwikila mpe muna mawonso masikidiswa muna Nsiku ye mana masonekwa kwa Angunza.+
15 Ngina ye vuvu muna Nzambi, e vuvu kina bena kiau mpe wantu awaya, i sia vo, vekala yo lufuluku+ lwa ansongi ye awana bena vo ke ansongi ko.+
16 Mu kuma kia diambu diadi isianga e ngolo kimana yakala ye ntona zambote vana ndose a Nzambi ye wantu.+
17 Vava kiavioka mvu miayingi, ngizidi vana tukau twa nkenda+ kwa zula kiame yo kela yimenga kwa Nzambi.
18 Ekolo yavangidingi mambu mama, bezidi kungwana muna tempelo, yavelela mun’owu wa nsiku,+ kiakala ye ndonga ko yovo sia mavuanga. Kansi vakala ye Ayuda ankaka batuka muna mvivu a Asia,
19 yau badi kala ova ndose aku muna kumfunda avo diambu bena diau kwa mono.+
20 Vo i wantu bena ovava, yambula yau kibeni bavova avo diambu diambi basolola muna mono vava yafundiswa kuna Mbazi a Nkanu,*
21 nanga muna diambu dimosi kaka dina yavova ekolo yatelama vana bena vo: ‘Mu kuma kia lufuluku lwa mafwa ifundisilwanga o unu ova ndose eno!’”+
22 Kansi, Feleka wau katomene zaya mambu ma Nzila yayi,+ oyantikidi sindika wantu awaya yo vova vo: “Vava Lusia wa mfumu a makesa kekulumuka, se yazenga e diambu dieno.”
23 Okanikini mfidi a makesa vo muntu ndioyo kasiwa muna pelezo, kansi kavevolwa muna mambu mankaka yo yambula vo mpangi zandi bansadisanga.
24 Ke vavioka lumbu yayingi ko, Feleka wizidi yo Derusila wa nkaz’andi ona wakala Nyuda, obokelese Paulu, unwidi vava kavovelanga mambu matadidi lukwikilu muna Kristu Yesu.+
25 Kansi wau Paulu kavovelenge mu kuma kia unsongi, volo ye mfundisa ikwiza,+ Feleka omwene wonga yo vova vo: “Wenda kwaku, kansi avo mbakidi e lau ikubokelesa diaka.”
26 Muna ntangwa yayina wakala ye vuvu vo Paulu nzimbu kekumvana. Muna kuma kiaki, nkumbu miayingi kantumisanga mu mokena yandi.
27 Kansi, vava vavioka mvu miole, Pokio Feseto wavinga vana fulu kia Feleka; wau vo Feleka wazola vua e dienga dia Ayuda,+ osisidi Paulu muna pelezo.
