Ngana 23:1-35
23 Avo ovuende wadia yo ntinu,Toma badika eyi ina vana ndose aku;
2 Sia mbele vana laka diaku*Avo te diayingi una diau.*
3 Kulokokela madia mandi mantomo ko,Kadi madia ma luvunginiku.
4 Kukivani mvimba muna vava mavua ko.+
Kusie vuvu muna umbakuzi waku ko.
5 Avo osidi mo kaka o meso, mavididi,+Kadi mavua memenanga o mave nze ngo-zulu yo tilumuka kuna zulu.+
6 Kudie madia ma mwimi* ko;Kulokokela madia mandi mantomo ko,
7 Kadi ofwanane yo muntu otanga mbalu a nzimbu.*
Uvovese vo: “Dia kwaku, nua kwaku,” kansi ke nkwa ziku ko.*
8 E madia makete odidi, luka oluka moYo vidisa lusanisinu lwaku mu nkatu-nkatu.
9 Kuvovela vana matu ma zowa ko,+Kadi veza keveza mvovo miaku mia ngangu.+
10 Kusientola sinsu kia mwingilu ankulu ko,+Kukoti ko muna mpatu ya wan’a nsona.*
11 Kadi Ntanini* au nkwa ngolo;Vovela kevovela mfundu au muna ngeye.+
12 Sia ntim’aku muna longiYo tamba matu muna mpova za zayi.
13 Kuyambula longa mwana* ko.+
Avo unwandidi muna lubamba, ke fwa ko.
14 Ofwete kunwandila muna lubamba,Kimana kavuluzwa* muna Ziami.*
15 E mwan’ame, avo ntim’aku ukala ngangu,O ntim’ame umona e kiese.+
16 E nsi ame a mbundu iyangalala*Vava befo yaku ivova mambu mansongi.
17 Kuyambula ko vo ntim’aku wamwena asumuki kimpala,+Kansi vumina Yave e lumbu kiamvimba,+
18 Muna mpila yayi, okala ye zingu kiambote kuna sentu+E vuvu kiaku ke kikatulwa ko.
19 Wá, e mwan’ame, kala ye ngangu,Singika ntim’aku muna nzil’a nsongi.
20 Kukadi vana vena awana benuanga vinyu ayingi ko,+Ye awana belokokelanga e mbizi.+
21 Kadi e nduvu za malavu y’akwa loko dia madia sukama besukama,+O tulu tukubavuika mataya.
22 Wila se diaku ona wawuta,Kuvezi ngudi aku ko wau vo se nunu.+
23 Sumba* e ludi, kuteki kio ko,+Sumba mpe ngangu, longi yo umbakuzi.+
24 O se dia nsongi kiese kikilu kemona;O se dia mwan’a ngangu okunyangalela.
25 O se diaku ye ngudi aku bemona kiese,O ngudi ona wawuta kiese kemona.
26 E mwan’ame, umpana ntim’aku,Yambula meso maku mayangalela e nzila zame.+
27 Kadi o nkembi* i wulu diakoboka,O nkento a kimpumbulu* i sima kiabatakana.+
28 Okondelelanga wantu nze mwivi;+Owokesanga lutangu lwa wan’amakala bakondwa kwikizi.
29 Nani i nkwa ekwe-ekwe? Nani i nkwa ntokani zasaka e?
Nani i nkwa ntantani? Nani i nkwa mfundu-mfundu?
Nani i nkwa nduadi zankatu-nkatu? Nani i nkwa meso mabwaka?
30 Awana beviokesanga ntangwa yayingi mu nua vinyu;+Ana bevavanga* vinyu yasangwa.
31 Kutadi bwaka kwa vinyu koVava ilezimanga muna mbungwa yo kwenda lelomoki,
32 Kadi kuna mfoko itatika nze niokaYo vaikisa manga nze wa mpidi.
33 O meso maku memona mambu manzenza,O ntim’aku uvova mambu mambi.+
34 Okala nze muntu olele vana kati kwa kalunga,Nze muntu olele vana ntandu a lunzi dia zitika o nlele a nzaza.
35 Ovova vo: “Bangwende, kansi kimwene mpasi ko.
Bambundidi, kansi kibakwidi wo ko.
Nkia ntangwa isikam’e?+
Vinyu diaka nzolele.”*
Mvovo vana yand'a lukaya
^ Yovo “Dila muna tezo.”
^ Yovo “moyo aku wazala ye zolela.”
^ Yovo “nkwa disu diambi.”
^ Yovo “obadikanga muna ntima.”
^ Mvovo wa sina: “Kansi o ntim’andi ke wina yaku ko.”
^ Yovo “minkondwa se.”
^ Mvovo wa sina: “Nkûdi.”
^ Yovo “kindende; toko.”
^ Yovo “wavuluza moyo andi.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “nguba zame ziyangalala.”
^ Yovo “Vua.”
^ Yovo “nkento a ndumba.”
^ Mvovo wa sina: “nzenza.” Tala Ngana 2:16.
^ Yovo “Ana belungalakananga mu yeleka.”
^ Yovo “Vava diaka ivava yo.”
