Nkunga 109:1-31
Kuna kwa ntwadisi a nkunga. Nkung’a Davidi.
109 E Nzambi ona isanisinanga,+ kukadi pi-i ko.
2 Kadi e yimpumbulu ye akwa luvunu bangiasunuini o nua.
Bekumpovelanga muna lubini lwa luvunginiku;+
3 Banzungidi ye mvovo mia lumengo,Yo kundwanisa kondwa kuma.+
4 Bansidi kintantu muna kuma kia nzola ibazolele;+Kansi, omono yakinu samba.
5 Bamvutulwidi e mbi muna wete+Yo lumengo muna zola kwame.+
6 Tumbika kimpumbulu kafundisa mbeni ame;*E mbeni katelama kuna koko kwandi kwalunene.
7 Yambula kavewa e ngielele* vava kefundiswa;E sambu yandi nkutu yabadikilwa se sumu.+
8 Yambula lumbu yandi yakufama;+E kinkengi kiandi kiabongwa kwa muntu ankaka.+
9 O wan’andi* basala e kinsona,*O nkaz’andi, kakala se nkento wafwilwa yakala.
10 O wan’andi* bakituka se ayungani ye avingi,Bavavanga madia muna nzo zau zafwasakana.
11 Yambula o nsompeki andi kakutumuna* yawonso kena yau,Anzenza basanza mavua mandi.
12 Ke vakadi muntu ko kansonga e ngemba,*Ngatu muntu kafwila wan’andi a nsona e nkenda.
13 Yambula mbongo andi yafwaswa;*+E nkumbu zau zavunzunua muna mbandu au.
14 Yambula Yave kayindula o bi wa mase mandi,+O masumu ma ngudi andi malembi vunzunua.
15 Yambula Yave kalembi vilakana mana bavangidi;Yo fukisa luyindulu lwau ova ntoto.+
16 Kadi kayindula songa ngemba* ko,+Kansi walakama mumbona mpasi,+ nsukami ye ndiona wakendalala kikilu ntima
Kimana kamvonda.+
17 Wazolanga siba ankaka, i dianu vo e sibu kiamvutukila;Kasambulanga akaka ko, i kuma kasambulwilwa ko.
18 Wavuata sibu nze mvuatu.
Yatiamuka muna nitu andi nze maza,Yakota muna visi yandi nze mazi.
19 Yambula e sibu yandi yakala nze nlele una kekuyifukilanga,+Nze mponda ina kevuatanga ntangwa zawonso.
20 Owau i nsendo a Yave kw’awana bekuntelamenanga+Ye awana bekuntiangunanga.*
21 Kansi, ongeye e Mfumu Yave,Umpangila diambu mun’owu wa nkumbu aku.+
Umpuluza, kadi o walakazi waku wambote.+
22 Kadi i munkondwa nsadisi ye nsukami,+O ntim’ame ulwele.+
23 Ndadidi nze kini;*Mpevomweno kwandá nze dikonko.
24 O makungunu mame mayoyele mu kuma kia fionkonona;*Ntandidi, ntovokele kwame.*
25 Nkitukidi se kuma kia luvezo lwau.+
Avo bambwene, baninginisi o ntu.+
26 Unsadisa, e Yave wa Nzambi ame;Umpuluza muna walakazi waku.
27 Yambula bazaya wo vo mu koko kwaku divangamene;Vo ngeye ovangidi wo, e Yave.
28 Yambula basiba, kansi ongeye wavana e nsambu.
Avo bantelamene, yambula bafusulwiswa e nsoni,Kansi, yambula e selo kiaku kamona e kiese.
29 Awana bantelamene yambula bavuata luvezo;Yambula bavuata e nsoni nze mvuela.*+
30 O nu’ame uvana nkembo kwa Yave yo vema kawonso;Ikunkembelela vana vena nkangu miayingi.+
31 Kadi otelama kuna koko kwalunene kwa nsukamiKamvuluza vana moko m’awana bekuntumbanga.*
Mvovo vana yand'a lukaya
^ Mvovo wa sina: “kamfundisa.”
^ Yovo “kabadikilwa se kimpumbulu.”
^ Mvovo wa sina: “wan’andi amakala.”
^ Yovo “bakondwa e se.”
^ Mvovo wa sina: “wan’andi amakala.”
^ Yovo “Yambula asompeki andi baleka ntambu muna.”
^ Yovo “walakazi.”
^ Yovo “nkun’andi wafwaswa.”
^ Yovo “walakazi.”
^ Yovo “betiangunanga moyo ame.”
^ Yovo “ninga.”
^ Yovo “mina nsoki.”
^ Mvovo wa sina: “nitu ame yakondwa mazi.”
^ Yovo “yunga kiakondwa moko.”
^ Yovo “betumbanga moyo andi.”
