Nkunga 119:1-176
-
Luyangalalu muna diambu dia ntalu dia Nzambi
-
‘E matoko aweyi balenda velelesela e ngienda zau?’ (9)
-
“Malongi maku i luyangalalu lwame” (24)
-
“Ekwe nzola nzolele nsiku aku!” (97)
-
“Nsundidi umbakuzi ke mu alongi ame awonso ko” (99)
-
“E diambu diaku i mwinda wa tambi yame” (105)
-
‘E ludi i nsabi za diambu diaku’ (160)
-
Luvuvamu kw’awana bezolanga nsiku a Nzambi (165)
-
א [Alefe]
119 Akwa kiese awana bakondelo tumbu* muna ngienda zau,Ana bekangalelanga muna nsiku a Yave.+
2 Akwa kiese awana belundanga tuludiku twandi,+Awana bekumvavanga ye ntima wawonso.+
3 Ke bevanganga vilwa ko;Bekangalelanga muna nzila zandi.+
4 Ngeye wakanikinaVo malongi maku matoma lundwa.+
5 Ekwe kele vo yakala ngingi*+Kimana yalemvokela e nkanikinu miaku!
6 Ozevo kimona nsoni ko+Muna lemvokela e nkanikinu miaku miawonso.
7 Kembelela ikukembelela muna ntim’a unsongiAvo ndongokele nzengo zaku zansongi.
8 Lunda ilunda mîna miaku.
Kungiambula nkutu ko.
ב [Bet]
9 E toko aweyi kalenda velelesela nzila zandi?
Muna sianga e sungididi yo kangalela mun’owu wa diambu diaku.+
10 Ikuvavanga ye ntim’ame wawonso.
Kuyambula ko vo yavengomoka muna nkanikinu miaku.+
11 Ndundidi e mvovo miaku muna ntim’ame+Kimana yalembi kusumukina.+
12 Yambula wakembelelwa, e Yave;Undonga mîna miaku.
13 Muna befo yame nsamwiniE nzengo zawonso zina ozengele.
14 Ndutidi yangalela tuludiku twaku+Ke mu lekwa yawonso yantalu ko.+
15 Badika ibadika* e nkanikinu miaku+Yo tala e nzila zaku.+
16 Ntomene yangalela mîna miaku.
Kivilakana diambu diaku ko.+
ג [Ngimele]
17 Songa e ngemba kwa selo kiaku,Kimana yazinga yo lunda e diambu diaku.+
18 Temona meso mame kimana yatoma monaMambu masivi ma nsiku aku.
19 I nzenza kwame mwamu nsi.+
Kunsweki nkanikinu miaku ko.
20 O zola kwame muna nzengo zakuKukumvempola* ntangwa zawonso.
21 Osembanga akwa lulendo,Ana basibwa wau bevengomokanga muna nkanikinu miaku.+
22 Katula lusembo yo luvezo oku ngina,*Kadi ndundidi tuludiku twaku.
23 Kana nkutu vava akuluntu bevuandanga kumosi yo kungika,E selo kiaku obadikanga* mîna miaku.
24 O malongi maku i luyangalalu lwame;+O tuludiku twaku i alongi ame.+
ד [Dalete]
25 Mvumbamene* vana ntoto.+
Ungiambula yazinga mun’owu wa diambu diaku.+
26 Izayisi nzila zame, ongeye umpene mvutu;Undonga mîna miaku.+
27 Umbakulwisa e* nkanikinu miaku,Kimana yabadika* mavangu maku masivi.+
28 Kilekanga ko* mu kuma kia ntantu zasaka.
Unkumika mun’owu wa diambu diaku.
29 Katula e nzil’a luvunu ova ngina,+Unsonga dienga, undonga nsiku aku.
30 Nsolele nzil’a ziku.+
Nzeye wo vo e nzengo zaku za nsongi.
31 Itatidilanga tuludiku twaku.+
E Yave, kungiambula ko yafusuka e nsoni.+
32 Landa ilanda e* nzil’a nkanikinu miaku ye tima diawonsoKadi okubikidi mio e fulu mu ntim’ame.*
ה [He]
33 E Yave,+ undonga nzil’a mîna miaku,Landa ilanda yo yakuna mbaninu.+
34 Umpana umbakuzi,Kimana yalunda o nsiku akuYo lunda wo ye ntim’ame wawonso.
35 Umfila* muna nzil’a nkanikinu miaku,+Kadi i mwau mwina o luyangalalu lwame.
36 Sia ntim’ame muna mîna miaku,Ke mu loko ko.*+
37 Vengomona meso mame muna tala mambu makondwa mfunu,+Yambula yakala moyo muna nzil’aku.
38 Lungisa nsilu* una wasia kwa selo kiaku,Kimana kavumina.*
39 Unkatula e nsoni zina mbwenene wonga,Kadi e nzengo zaku zambote.+
40 Tala nzola nzolele malongi maku.
Ungiambula yazinga mun’owu wa unsongi waku.
ו [Wau]
41 E Yave, unsonga walakazi waku,+E mpuluz’aku mun’owu wa nsilu* aku;+
42 I bosi, ivana mvutu kwa ndiona okunsembanga,Kadi nsidi e vuvu muna diambu diaku.
43 Kukatula diambu dialudi ko mu nu’ame,Kadi nzengo zaku nsidi e vuvu.*
44 Lunda ilunda o nsiku aku ntangwa zawonso,Yamu mvu ya mvu.+
45 Idiatila vana fulu kiavuvama,*+Kadi mpavidi malongi maku.
46 Vovela ivovela tuludiku twaku vana vena atinu,Kimweswa nsoni ko.+
47 E nkanikinu miaku i luyangalalu lwame,Elo, ntomene mio zola.+
48 Izangula moko mame kimana yasamba mu kuma kia nkanikinu miaku, mina izolanga,+Yo yindula* mîna miaku.+
ז [Zayine]
49 Yindula nsilu* aku kwa selo kiaku,Una wampanina e vuvu.*
50 Olwalu i lufiaulwisu muna mpasi zame,+Kadi muna diambu diaku nginina moyo.
51 Akwa lulendo basakisi kunsemba,Kansi, kivengomokene muna nsiku aku ko.+
52 Ngindwidi nzengo zaku za nz’ankulu,+ e Yave,Zikumfiaulwisanga.+
53 Mbwene kikilu makasi mu kuma kia yimpumbulu,Ana bebembolanga nsiku aku.+
54 E mîna miaku i nkunga iyimbilangaKonso vana ngina.*
55 Muna fuku iyindulanga e nkumbu aku, e Yave,+Kimana yalunda nsiku aku.
56 E kiaki i fu kiame,Kadi ilemvokelanga e nkanikinu miaku.
ח [Hete]
57 Yave i kunku kiame;+Nsidi nsilu wa lunda e mvovo miaku.+
58 Idodokele* ye ntim’ame wawonso;+Umfwila e nkenda+ mun’owu wa nsilu* aku.
59 Ifimpanga nzila zame,Kimana yavutula tambi yame muna tuludiku twaku.+
60 Nsidi nswalu, kizingidi koMuna lunda nkanikinu miaku.+
61 E nsinga mia yimpumbulu minzingalakene,Kansi kivilakene nsiku aku ko.+
62 Ivumbukanga muna dingi-dingi yo kuvana matondo+Muna nzengo zaku zansongi.
63 I nkundi a wantu awonso ana bekuvuminangaYe awana belundanga nkanikinu miaku.+
64 E Yave, e nza izele yo walakazi waku;+Undonga e mîna miaku.
ט [Tete]
65 Osongele ngemba kwa selo kiakuE Yave, mun’owu wa diambu diaku.
66 Undonga umbakuzi yo zayi,+Kadi nsidi e vuvu muna nkanikinu miaku.
67 Vitila yamweswa e mpasi, yavengomokanga,*Kansi owau ndundidi mvovo aku.+
68 Ongeye wambote,+ mavangu maku mambote.
Undonga mîna miaku.+
69 Akwa lulendo bamvunini mambu,Kansi, ndundidi malongi maku ye ntim’ame wawonso.
70 E ntima miau miabala,*+Vo i mono, nsiku aku i luyangalalu lwame.+
71 Diambote wau mbweseso e mpasi,+Kimana yalongoka nkanikinu miaku.
72 O nsiku una osamwini wambote kwa mono,+Ulutidi o wete ke mu mafunda ma wolo ye palata ko.+
י [Yode]
73 Moko maku mansema yo kumpanga.
Umpana umbakuzi,Kimana yazaya e nkanikinu miaku.+
74 Awana bekuvuminanga, bamwene kiese wau bambwene,Kadi e diambu diaku i vuvu kiame.*+
75 E Yave, nzeye wo vo nzengo zaku zansongi,+Ngeye umbwesese mpasi muna ziku kiaku.+
76 Dodokolo, yambula walakazi waku+ wamfiaulwisa,Mun’owu wa nsilu* wasila ntaudi aku.
77 Umfwila e nkenda, kimana yakala moyo,+Kadi nsiku aku i luyangalalu lwame.+
78 Yambula akwa lulendo bafusuka e nsoni,Kadi bambwesese mpasi kondwa kuma.*
Kansi, badika ibadika* malongi maku.+
79 Awana bekuvuminanga yambula bavutuka oku ngina,Awana bazeye mîna miaku.
80 Yambula ntim’ame wakondwa lusembo muna lemvokela mîna miaku,+Kimana yalembi fusulwiswa e nsoni.+
כ [Kafe]
81 Mpuluz’aku ilakukilanga o moyo,+Kadi muna diambu diaku i nsidi e vuvu.*
82 O meso mame mvovo aku melakukilanga moyo+Wau mpovele vo: “Nkia ntangwa okumfiaulwisa e?”+
83 Kadi nkitukidi nze díla dia nkand’a bulu diyumini vana mwisi,Kansi, kivilakene nkanikinu miaku ko.+
84 Lumbu kwa kafwete vingila selo kiaku?
Nkia ntangwa ofundisa awana bekumbangikanga?+
85 Akwa lulendo ana batelamene nsiku aku,Bantimini e wulu.
86 E nkanikinu miaku miawonso vuvu mibundwanga.
O wantu bambangikidi kondwa kuma; unsadisa!+
87 Fioti fiasala nga bansukisa ova ntoto,Kansi omono kiyambwidi malongi maku ko.
88 Yambula yazinga mu kuma kia walakazi waku,Kimana yalunda tuludiku tuna wayika.
ל [Lamede]
89 Yakwele mvu, e Yave,E diambu diaku disikila kuna zulu.+
90 E ziku kiaku kia mbandu zawonso.+
Wasikidisa ntoto kimana wasiama.+
91 Muna mfundisa zaku, lekwa* yakinu yamu unu,Kadi lekwa yawonso i selo kiaku.
92 Kele vo kiazola nsiku aku ko,Nga yafwa muna mpasi zame.+
93 Kivilakana nkanikinu miaku ko,Kadi i mûna untanini kimana yakala moyo.+
94 Omono kwa ngeye mvuilu; umpuluza,+Kadi nkanikinu miaku ivavanga.+
95 E yimpumbulu bavavidi kumponda,Kansi, nsidi sungididi muna mîna miaku.
96 Mbwene vo o lunga kwawonso kuna ye tezo,Kansi nkanikinu aku ke una ye tezo ko.*
מ [Meme]
97 Ekwe mpila nzolele nsiku aku!+
Lumbu kiawonso iyindulanga* wo.+
98 Nkanikinu miaku minkitwidi se nkwa ngangu ke mu mbeni zame ko,+Kadi mina yame ntangwa zawonso.
99 Nsundidi umbakuzi ke mu alongi ame awonso ko,+Kadi iyindulanga* tuludiku twaku.
100 Ndutidi anunu muna umbakuzi,Kadi nkanikinu miaku ilundanga.
101 Kikangalela muna nzila yambi ko,+Kimana yalunda diambu diaku.
102 Kivengomokene muna nzengo zaku ko,
Kadi ngeye undongele.
103 Ekwe zenza izenzele mvovo miaku ova lubini lw’ame,Milutidi wiki o zenza muna nu’ame!+
104 Muna malongi maku i nginina ye umbakuzi,+Idianu mbengene ngienda zawonso za luvunu.+
נ [Nune]
105 E diambu diaku i mwinda wa tambi yame,Yo ntemo a nzila zame.+
106 Ndidi e ndofi, lungisa ilungisa yo,Kimana yalunda nzengo zaku zansongi.
107 Mbweseso kikilu e mpasi.+
E Yave, ungiambula yazinga mun’owu wa diambu diaku.+
108 E Yave, do, tambula tukau twame twamvevo,*+Undonga nzengo zaku.+
109 E zingu kiame mu vonza kaka kina,*Kansi kivilakene nsiku aku ko.+
110 E yimpumbulu bandekel’e ntambu,Kansi kivengomokene muna malongi maku ko.+
111 O tuludiku twaku i vua diame diakwele mvu,Kadi i luyangalalu lwa ntim’ame.+
112 Mbakidi nzengo* za lunda mîna miakuNtangwa zawonso, yakuna mbaninu.
ס [Sameke]
113 Mbengene akwa ntim’a vilu-vilu,*+Kansi nzolele o nsiku aku.+
114 U swekameno diame ye ngubu ame,+Kadi muna diambu diaku nsidi e vuvu.*+
115 Nukatuka oku ngina, yeno yimpumbulu,+Kimana yalunda nkanikinu mia Nzambi ame.
116 Unsadisa wauna wasia nsilu,*+Kimana yakala kaka o moyo;Kuyambula ko yafusuka e nsoni mu kuma kia vuvu kiame.+
117 Unsadisa kimana yavuluzwa;+I bosi, isia sungididi muna mîna miaku.+
118 Obembwele awonso ana bavengomokene mîna miaku,+Kadi akwa luvunu ye mpuki.
119 Ovetele yimpumbulu yawonso ya nza nze mvindu.+
Kiaki i kuma nzolele tuludiku twaku.
120 E nitu ame ikankumukini mu kuma kia wonga waku;Ivuminanga nzengo zaku.
ע [Ayine]
121 Ivanganga oma mambote ye mansongi.
Kungiambula ko vana moko m’awana bekumbangikanga!
122 Yambula mambu mawonso ma selo kiaku masikila;Kuyambula ko vo akwa lulendo bambangika.
123 Meso mame mayoyele muna vingila mpuluz’aku+Ye ndungan’a nsilu* aku ansongi.+
124 Songa walakazi waku kwa ntaudi aku,+Undonga e mîna miaku.+
125 Mono i ntaudi aku; umpana umbakuzi,+Kimana yazaya tuludiku twaku.
126 Ifwene ntangwa kasikidisa o Yave muna kubatumba,+Kadi bakulwidi o nsiku aku.
127 I kuma nzolele nkanikinu miakuKe mu wolo ko, kana nkutu wolo wakenzwa.+
128 Dianu vo, ibadikilanga malongi maku mawonso vo mansongi;+Mbengene ngienda zawonso za luvunu.+
פ [Pe]
129 O tuludiku twaku twasivi.
I kuma ndundidi to.
130 Lusengomoko lwa mambu maku, ntemo lutwasanga,+Yo vana umbakuzi kwa minkondwa ngangu.+
131 Mbatwini nua yo vumuka,Kadi ndakukilu nkanikinu miaku moyo.+
132 Viluka kwa mono, umfwila e nkenda,+Mun’owu wa nzengo zaku kw’awana bazolele nkumbu aku.+
133 Sikidisa ntambi zame muna mvovo aku;Kuyambula ko vo mbi yangiala.+
134 Umpuluza* vana moko ma abangiki,I ndunda ilunda nkanikinu miaku.
135 Temesa ndose aku kwa selo kiaku,+Undonga mîna miaku.
136 O meso mame mebetomokanga mansangaKadi wantu ke belundanga nsiku aku ko.+
צ [Tsade]
137 Ngeye Yave, wansongi,+E nzengo zaku mpe zansongi.+
138 O tuludiku wavana twansongi,Vuvu kikilu tubundwanga.
139 O vema kwame kumvempwele,+Kadi e mbeni zame bavilakene mvovo miaku.
140 O mvovo aku wavelela kikilu,+E selo kiaku ozolele wo.+
141 Kuna kw’akaka kina mfunu ko, vezwa ivezwanga;+Kansi, kivilakene nkanikinu miaku ko.
142 Unsongi waku, unsongi wakwele mvu,+O nsiku aku i ludi.+
143 Kanele vo mpasi ye ntantu zinduakidi,Yakinu zola nkanikinu miaku.
144 O tuludiku twaku twansongi yakwele mvu.
Umpana umbakuzi+ kimana yakwamanana zinga.
ק [Kofe]
145 Mbokele ye ntim’ame wawonso. E Yave, umpana e mvutu.
Lunda ilunda e mîna miaku.
146 Ibokele; umpuluza!
Lunda ilunda tuludiku twaku.
147 Vitila kuma kwakiá nsikamene yalomba lusadisu,+Kadi muna diambu diaku nsidi e vuvu.*
148 O meso mame matemokene vitila ngingil’a fuku,Kimana yatoma yindula* e mvovo miaku.+
149 Wa nding’ame muna walakazi waku.+
E Yave, ungiambula yazinga mun’owu wa unsongi waku.
150 Awana bakivene muna mavangu ma nsoni, yambula bafinama;Kwanda bena yo nsiku aku.
151 E Yave, lukufi wina yo mono,+E nkanikinu miaku miawonso mialudi.+
152 Yalongoka tuludiku twaku tuka kolo,Tuna wasikidisa kimana twakala yakwele mvu.+
ר [Rese]
153 Tala e mpasi zame, umpuluza,+Kadi kivilakene nsiku aku ko.
154 Untanina* yo kumpuluza;+Ungiambula yazinga mun’owu wa nsilu* aku.
155 O luvuluzu lwavavuka yimpumbulu,Kadi ke bevavanga mîna miaku ko.+
156 E Yave, e nkenda zaku zayingi.+
Ungiambula yazinga mun’owu wa unsongi waku.
157 Abangiki ye mbeni zame engi;+Kansi kivengomokene tuludiku twaku ko.
158 Ntadidi akwa luvunu kuna luvezo,Kadi ke belemvokelanga mvovo aku ko.+
159 Tala e nzola nzolele nkanikinu miaku!
E Yave, ungiambula yazinga mu kuma kia walakazi waku.+
160 E diambu diaku i ludi,+E nzengo zaku zawonso zansongi zikala kaka yakwele mvu.
ש [Sin] yovo [Sine]
161 Akuluntu bambangikidi+ kondwa kuma,Kansi o ntim’ame uvuminanga mambu maku.+
162 Mbwenene diambu diaku e kiese+Nze muntu obakidi sanzu diayingi.
163 Mbengene luvunu—mbwenene lo ngemi+—
Nzolele nsiku aku.+
164 Nkumbu nsambwadi ikusanisinanga muna lumbuKadi e mfundisa zaku zansongi.
165 Awana bezolanga nsiku aku, mu luvuvamu mvimba bena;+Ke vena diambu ko dilenda kubatesesa sakuba.*
166 E Yave, nsidi e vuvu muna luvuluzu lwaku,Yo lunda nkanikinu miaku.
167 Ndundidi o tuludiku twaku,Nzolele to kikilu.+
168 Ndundidi nkanikinu ye tuludiku twaku,Kadi ozeye mawonso ivanganga.+
ת [Tau]
169 E Yave, e kazu kiame kilweke kwa ngeye.+
Umpana umbakuzi mun’owu wa diambu diaku.+
170 Yambula ndodokel’ame yalwaka koko wina.
Umpuluza, wauna wasila o nsilu.*
171 Yambula e befo yame yazala ye lusanisinu,+Kadi undongele mîna miaku.
172 Yambula lubini lwame lwayimbila mvovo miaku,+Kadi e nkanikinu miaku miawonso miansongi.
173 Yambula koko kwaku kwakala kwakubama muna kunsadisa,+Kadi nsolele lemvokela nkanikinu miaku.+
174 Ilakukilanga e mpuluz’aku o moyo, e Yave,Nsiku aku i luyangalalu lwame.+
175 Yambula yakala moyo kimana yakembelela;+E nzengo zaku zansadisa.
176 Mpengomokene nze meme diavila.+ Vava e selo kiaku,Kadi kivilakene nkanikinu miaku ko.+
Mvovo vana yand'a lukaya
^ Yovo “bena ye kwikizi.”
^ Mvovo wa sina: “Ekwe kele vo nzila zame zatoma sikidiswa.”
^ Yovo “Longoka ilongoka.”
^ Mvovo wa sina: “Kudianga moyo ame.”
^ Mvovo wa sina: “ova ntandu ame.”
^ Yovo “olongokanga.”
^ Yovo “Moyo ame uvumbamene.”
^ Mvovo wa sina: “nzila za.”
^ Yovo “yalongoka.”
^ Yovo “Moyo ame ke ulekanga ko.”
^ Mvovo wa sina: “Lundumuka ilundumuka muna.”
^ Nanga, “Kadi oyambwidi vo ntim’ame wakala ye vuvu.”
^ Yovo “Undiatisila.”
^ Yovo “Ke mu vava nluta ko.”
^ Yovo “mvovo.”
^ Nanga, “Mina wasila kw’awana bekuvuminanga.”
^ Yovo “mvovo.”
^ Yovo “ivingilanga.”
^ Yovo “kiasanzuka.”
^ Yovo “longoka.”
^ Yovo “mvovo.”
^ Yovo “Una wamvingidisila.”
^ Yovo “Muna nzo ikalanga se nzenza.”
^ Yovo “Ndembekele (mpavidi tusevo twa) ndose aku.
^ Yovo “mvovo.”
^ Yovo “yasumukanga lembi wo kana.”
^ Mvovo wa sina: “miakangama nze mazi.”
^ Yovo “Kadi ivingilanga e diambu diaku.”
^ Yovo “mvovo aku.”
^ Nanga, “muna luvunu.”
^ Yovo “longoka ilongoka.”
^ Yovo “Kadi diambu diaku ivingilanga.”
^ I sia vo, nsem’aku wawonso.
^ Mvovo wa sina: “wayalangana kikilu.”
^ Yovo “ilongokanga.”
^ Yovo “ilongokanga.”
^ Mvovo wa sina: “tukau twamvevo twa nu’ame.”
^ Yovo “O moyo ame una ova koko kwame ntangwa zawonso.”
^ Mvovo wa sina: “Nsidi tima dia.”
^ Yovo “akwa nyindu miole.”
^ Yovo “Kadi diambu diaku ivingilanga.”
^ Yovo “mun’owu wa mvovo aku.”
^ Yovo “mvovo.”
^ Mvovo wa sina: “Unkûla.”
^ Yovo “Kadi diambu diaku ivingilanga.”
^ Yovo “longoka.”
^ Yovo “Tala mfundu ame.”
^ Yovo “mvovo.”
^ Yovo “Kuna kwa yau, ke vena tadi dia sakuba ko.”
^ Yovo “mun’owu wa mvovo aku.”
