Nkunga 145:1-21
Nkung’a Davidi.
א [Alefe]
145 Ikutundidika, e Nzambi ame wa Ntinu,+Yo kembelela nkumbu aku yamu mvu ya mvu.+
ב [Bete]
2 Ikukembelela lumbu kiamvimba;+Ikembelela nkumbu aku yakwele mvu.+
ג [Ngimele]
3 Yave wanene, ofwene kembelelwa;+O nene wandi ke ufimpakana ko.*+
ד [Dalete]
4 Mbandu ke mbandu besanisina mavangu maku;Besamuna mavangu maku mankuma.+
ה [He]
5 Zingula bezingula nkembo a zitu waku,+Itoma yindula mavangu maku masivi.
ו [Wau]
6 Bezingula mavangu maku masivi,*Samuna isamuna o nene waku.
ז [Zayine]
7 Besamuna ye kiese vava besungamena o wete waku wayingi,+Beyengoloka ye kiese mu kuma kia unsongi waku.+
ח [Hete]
8 Yave nkwa ngemba ye nkenda,+Ke funganga makasi mu nzaki ko, o walakazi wandi wingi.+
ט [Tete]
9 Yave wambote kw’awonso,+E nkenda zandi zimonekanga muna mavangu mandi mawonso.
י [Yoda]
10 Mavangu maku mawonso mekukembelela, e Yave,+E minkwikizi miaku mikukembelela.+
כ [Kafe]
11 Besamuna o nkembo a kintinu kiaku+Yo mokenena ngolo zaku,+
ל [Lamede]
12 Kimana bazayisa mavangu maku mankuma kwa wantu+Yo nkembo a zitu wa kintinu kiaku.+
מ [Meme]
13 E kintinu kiaku i kintinu kiakwele mvu,O luyalu lwaku lukala kaka muna mbandu zawonso.+
ס [Sameke]
14 Yave osadisanga awonso bebwanga+Yo telamesa awonso bavumbama.+
ע [Ayine]
15 Meso mawonso kwa ngeye matadidi;Okubavananga madia muna nsungi andi.+
פ [Pe]
16 Oziulanga koko kwakuYo lungisa e zolela ya awonso bena o moyo.+
צ [Tsade]
17 Yave wansongi muna nzila zandi zawonso,+Nkwa ziku muna mawonso kevanganga.+
ק [Kofe]
18 Yave ofinamene awonso bekumbokelanga,+Awonso bekumbokelanga kuna ziku.*+
ר [Rese]
19 Olungisanga e zolela ya awana bekumvuminanga;+Owánga kazu kiau yo kubavuluza.+
ש [Sine]
20 Yave olundanga awonso bekunzolanga,+Kansi, osinga fwasa yimpumbulu yawonso.+
ת [Tau]
21 O nu’ame usamuna nkembo a Yave;+Yambula vangwa yawonso yamoyo* yakembelela nkumbu andi avauka yakwele mvu.+
Mvovo vana yand'a lukaya
^ Yovo “ke ulendi bakulwa ko.”
^ Yovo “mankuma.”
^ Yovo “ye ludi.”
^ Mvovo wa sina: “nitu zawonso.”
