Nkunga 19:1-14
Kuna kwa ntwadisi a nkunga. Nkung’a Davidi.
19 E zulu ditelekanga nkembo a Nzambi;+E ngambwila isamunanga e salu kia moko mandi.+
2 Lumbu ke lumbu e mvovo miau mibetomokanga nze maza,Konso fuku misengomonanga o zayi.
3 Ke kwina mvovo ko, ngatu mambu;E ndinga zau ke ziwakananga ko.
4 Kansi, e zú diau diele* muna nza yawonso,E nsangu zau zilweke yakuna nsuk’a nza.+
Osumikini saba kia ntangwa kuna zulu;
5 Ina nze toko diansompi ovaikanga muna suku;Iyangalelanga nze kesa otikunanga muna nzila.
6 Ivaika kuna nsuk’a zulu,Izietomoka yakuna nsuka yankaka;+
Ke vena lekwa ko kiswekama muna mbangazi andi.
7 O nsiku a Yave walunga,+ uvutulwisanga e ngolo.*+
Tuludiku twa Yave vuvu tubundwanga,+ tuvananga e ngangu kwa zowa.+
8 Malongi ma Yave mansongi, memwesanga ntima e kiese;+O nkanikinu a Yave wavelela, ukiesesanga e meso.+
9 O vumi wa Yave+ wavelela, uzingila yakwele mvu.
E nzengo za Yave zaludi, zansongi muna mpila zawonso.+
10 Zisundidi o mfunu ke mu wolo ko,Lutila nkutu wolo wayingi wakenzwa,+Zilutidi o nzenzo ke mu wiki ko,+ wiki usonsanga muna sasala.
11 Ntaudi aku i mûna kelukisilwanga;+Olunda zo, nsendo ayingi ditwasanga.+
12 Nani olenda bakula mpilakanu za yandi kibeni?+
Undoloka muna masumu mana isumukanga lembi wo zaya.
13 Tanina ntaudi aku kalembi vangila mambu kuna lulendo;+Kuyambula ko mansunda.+
Ozevo, ikala walunga+Yo kondwa kuma muna masumu mampwena.*
14 E mvovo mia nu’ame ye makani ma ntim’ameYambula mayangidika,+ e Yave, wa Tadi diame+ yo Nkûdi ame.+
Mvovo vana yand'a lukaya
^ Nanga, “e nsing’au watezela wele.”
^ Yovo “moyo.”
^ Yovo “muna masumu mayingi.”
