Nkunga 32:1-11
Nkung’a Davidi. Maskile.*
32 Kiese kwa ndiona una vo e mbi andi ilolokelo, e sumu diandi difukilu.*+
2 Kiese kwa ndiona una vo Yave kamvene ngielele ko,+Ona okondelo umpuki muna ntim’andi.
3 Vava mbutamene, e visi yame iyoyele muna kuma kia bumu kiame e lumbu kiamvimba.+
4 Kadi fuku yo mwini, koko kwaku* kwazita kwa mono.+
E ngolo zame zisukidi* nze una uyuminanga maza muna mbangala. (Sela)
5 I bosi, mfunguni e sumu diame kwa ngeye;Kiswekele bi wame ko.+
Mpovovele vo: “Funguna ifunguna masumu mame kwa Yave.”+
Ongeye, ololokele o bi ye masumu mame.+ (Sela)
6 Muna kuma kiaki, konso munkwikizi kwa ngeye kesamba+Ekolo olenda soloka.+
Dianu vo, kana nkutu kizalu ke kikunlwakila ko.
7 Ongeye u swekameno diame;Okuntanina muna mpasi.+
Okuntelamesa vana kati kwa wantu bena ye kiese mu kuma kia luvuluzu lwaku.+ (Sela)
8 “Ikuvana ngangu yo kulonga e nzila ofwete kwendela.+
Ikuvana longi yo kusia meso.+
9 Kukadi nze mvalu ko yovo mula wakondwa umbakuzi,+Ona wina vo muna kunlemvola kafwete kangwa muna nsinga yovo siwa bindikilwa,I bosi kekufinama.”
10 E mpasi za kimpumbulu zayingi;Kansi, ndiona obundanga Yave e vuvu, o walakazi wandi ukunzieta.+
11 Numwena Yave kiese yo yangalala, yeno ansongi;Nuyengoloka ye kiese, yeno awonso akwa ntima miansongi.
Mvovo vana yand'a lukaya
^ Tala Nsas’a Mvovo.
^ Yovo “dilolokelo.”
^ Yovo “lukendalalu lwaku.”
^ Yovo “maza ma nitu ame mayumini.”
