Nkunga 66:1-20
Kuna kwa ntwadisi a nkunga. Nkunga.
66 Nuyengoloka ye kiese, nusanisina Nzambi, e nza yawonso.+
2 Nuyimbidila nkumbu andi a nkembo.
Numvana zitu ye nkembo.+
3 Nuvova kwa Nzambi vo: “Mavangu maku mansisi!+
Muna nene wa nkum’aku,E mbeni zaku zizakama yo wonga vana ndose aku.+
4 E nza yawonso ikufukamena;+Bekuyimbidila nkunga;Beyimbidila nkumbu aku.”+ (Sela)
5 Nuiza tala mavangu ma Nzambi.
E salu yandi kuna kwa wan’a wantu, yansisi.+
6 Wakitula kalunga se ntoto ayuma;+Basauka o nkoko kiamalu.+
Twamwena e kiese kûna.+
7 Oyadilanga muna nkum’andi yakwele mvu.+
Meso mandi metalanga e zula.+
Yambula akwa lulendo balembi kuyitundidika.+ (Sela)
8 Nusanisina Nzambi eto, yeno nkangu,+Yambula mazú ma nkembelw’andi mawakana.
9 Ozingisanga mioyo mieto;+Ke yambulanga ko vo malu meto matá sakuba.*+
10 Kadi ngeye Nzambi watufimpa;+Watukenza nze una ukenzelwanga palata.
11 Watubwisa muna konde;Watusia zitu diampwena.*
12 Wayambula vo mpasi muntu katudiatakesa;Twaviokela muna tiya yamuna maza;I bosi, watulwakisa vana fulu kia vundila.
13 Ikota muna nzo aku ye tukau twangioka;+Lungisa ilungisa e nsilu miame mina yasila+
14 E nsilu mina miatuka muna befo yame+Yo vovua muna nu’ame vava yakala muna mpasi.
15 lkukelela yimenga ya ngioka ya mbizi za maziYo futumuna tukau twa vaka ya mameme.
Itambika ngombe ye nkombo. (Sela)
16 Nuiza nuawa, yeno awonso nuvuminanga Nzambi,Ikunuzayisa mana kavangidi muna wete diame.*+
17 Yambokela muna nu’ameYankembelela muna lubini lwame.
18 Kele vo yalunda diambu diambi muna ntim’ame,Yave kadi kungwa ko.+
19 Kansi, Nzambi ungwidi kikilu;+Owinikini e sambu kiame.+
20 Yambula Nzambi kakembelelwa ona ke bembola e sambu kiame ko
Ngatu kungimina walakazi wandi.
Mvovo vana yand'a lukaya
^ Yovo “masielomoka.”
^ Mvovo wa sina: “Wasia zitu diampwena muna tuketo tweto.”
^ Yovo “moyo ame.”
