Nkunga 73:1-28
Nkung’a Asafi.+
73 Nzambi wambote kikilu kuna kwa Isaele, kuna kw’awana bavelela muna ntima.+
2 Vo i mono, fioti fiasidi, malu mame nga mavengomokene;E tambi yame yadi sielomoka.+
3 Kadi mbwenene akwa lusanu kimpalaVava mbwene luvuvamu lwa yimpumbulu.+
4 Kadi ke bemonanga mpasi ko yavana befwa;E nitu zau zakola.*+
5 Mana metokanesanga ankaka ke mekubabwilanga ko,+Ngatu mona mpasi nze wantu akaka.+
6 I dianu vo, umvuania i nsanga mia nsingu zau;+Bevuatanga o nsoki nze mvuatu.
7 O meso mau mamana lunzuka mu kuma kia kimvuama kiau;*E zingu kiau kiatoma sikila lutila makani ma ntima miau.
8 Bavezele akaka yo vova mambu mambi.+
Babavumisi kuna lulendo vo bangika bekubabangika.+
9 Bevovanga nze yau bazanguka wauna wazangukila e zulu,Tubini twau tuvumvulanga ova nza kuna umvuania.
10 Ozevo, o nkangu a Nzambi* uvutukidi kwa yau,Banuinini muna ulolo wa maza mau.
11 Bavovele vo: “O Nzambi aweyi kezayila wo e?+
Nga Mpungu-nene ozaya wo e?”
12 Elo, awaya i yimpumbulu, ke betokananga ko.+
Bakinu wokesa kimvuama kiau.+
13 Elo, nkatu-nkatu kwandi mpelelese ntim’ameYo sukula moko mame muna songa vo i munkondwa-kuma.+
14 Yabwilwa mpasi e lumbu kiamvimba;+Yo tumbwa konso mene.+
15 Kansi, kele vo yavova mambu mama,Yadi yekola nkangu aku.*
16 Ekolo yavava dio bakula,Diantokanesa kikilu
17 Yavana yakota muna nzo avauk’a Nzambi,
Yabakula e mbaninu au.
18 Kieleka, ubasidi vana fulu kia nlelo.+
Ubabwisisi muna lufwasu.+
19 Bafwasilu kuna kinsalukisa!+
Bafwasilu kuna kinsalukisa, e mbaninu au yampasi kikilu!
20 Nze ndozi vava muntu kesikamanga, e Yave,Vava otelama, kusie sungididi muna mpw’au ko.*
21 Kansi, o ntim’ame wakituka wandudi,+Mpasi kikilu yamona muna nsi a mbundu.
22 Zowa yakala yo kondwa umbakuzi;Yakala nze bulu kia kondwa nzayilu vovo wina.
23 Kansi, owau yakinu yaku;Osimbinini koko kwame kwalunene.+
24 Umfididi muna malongi maku,+I bosi, okumfila muna nkembo.+
25 Nani ngina yandi koko zulu?
Wau ngina yaku, kizolele diaka wankaka ko ova ntoto.+
26 E nitu ame yo ntim’ame ulenda yoya,Kansi, Nzambi i tadi dia ntim’ame ye kunku kiame yakwele mvu.+
27 Kieleka, awana bekuvavukanga, vila bevila.
Sukisa osukisa* awana bekubembolanga muna lembi songa e kwikizi.*+
28 Vo i mono, ofinama Nzambi diambote kwa mono.+
Nkitwidi Mfumu Yave se tininu diame,Yasamuna mavangu maku mawonso.+
Mvovo vana yand'a lukaya
^ Yovo “E vumu yau yazala yo mazi.”
^ Mvovo mia sina: “mazi mau.”
^ Yovo “nkangu andi.”
^ Mvovo wa sina: “mbandu a wan’aku.”
^ Mvovo wa sina: “oveza e mpw’au.”
^ Yovo “Okaka e nua mia.”
^ Yovo “awana bena nze minta-zumba.”
