Nkunga 79:1-13
Nkung’a Asafi.+
79 E Nzambi, e zula ikotele muna vua diaku;+Bafunzwidi tempelo aku avauka;+Bakitwidi Yerusaleme se zudika dia mazumbu.+
2 Bavene mavimbu ma ntaudi zaku se madia kwa nuni za zulu
E nitu za minkwikizi miaku kwa bulu ya mfuta ya ntoto.+
3 Babungwidi menga mau nze maza muna mbela-mbel’a Yerusaleme,Ke vasidi muntu ko muna kubazika.+
4 Tukitukidi se luvezo kwa mfinangani zeto;+Awana batuzungidi batutiangwini yo kutuseva.
5 E Yave, yamu nkia kolo ofunga makasi? Ofunga makasi yakwele mvu e?+
O makasi maku yamu nkia kolo melema nze tiya?+
6 Yitila makasi maku muna zula ilembele kuzayaYe muna yintinu ke ivovelanga nkumbu aku ko.+
7 Kadi bavempwele YakoboBasisidi e nsi au e nkatu.+
8 Kututumbila muna mbi y’akulu eto ko.+
Yambula e nkenda zaku zatulwakila mu nzaki,+Kadi tukulwilu kikilu.
9 Utusadisa, e Nzambi a luvuluzu lweto,+Muna diambu dia nkumbu aku a nkembo;Utuvuluza yo loloka* masumu meto mu kuma kia nkumbu aku.+
10 Ekuma e zula, ivovela vo: “Akweyi kena o Nzambi au?”+
Ova ndose eto, yambula diazayakana muna zula voMenga ma ntaudi zaku mabungulwa malandilu e kunda.+
11 Yambula wawá bumu kia mbakami.+
Muna nkum’aku* anene vukisa* awana bavewa tumbu kia lufwa.*+
12 E Yave, landa e kunda nkumbu nsambwadi kwa mfinangani zeto+Muna ntianguna ina batiangwini.+
13 Vo i yeto, tu nkangu aku ye kambi diaku,+Tukuvana matondo yakwele mvu;Tusamuna nkembo aku muna mbandu ke mbandu.+
Mvovo vana yand'a lukaya
^ Yovo “fuka.”
^ Mvovo wa sina: “koko kwaku.”
^ Nanga, “vevola.”
^ Mvovo wa sina: “kia wan’a lufwa.”
