Nkunga 88:1-18
Nkunga. Nkung’a wan’a Kora.+ Kuna kwa ntwadisi a nkunga; muna Makalati,* uyimbidilwa mu zú diaswaswana. Maskile* ya Emane+ wa mwan’a Ezera.
88 E Yave, wa Nzambi a luvuluzu lwame,+Muna mwini nkazidi,Muna fuku ndweke vana ndose aku.+
2 Yambula sambu kiame kialwaka kwa ngeye,+Tamba o matu muna* kazu kiame.+
3 Kadi moyo* ame uzele ye mpasi,+O moyo ame ufinamene muna Ziami.*+
4 Bansidi muna lutangu lw’awana bekulumukanga muna wulu;*+Nkitukidi se munkondwa nsadisi,*+
5 Ngiambwilu vana vena wantu afwaNgina nze mavimbu malavalele muna ziamiAna kusungamene diaka koYo katulwa muna lutaninu lwaku.*
6 Untubidi muna wulu diatoma koboka,Muna fulu ya tombe, muna yenga dianene.
7 E nsita zaku zizitidi omu mono,+Umbweses’e mpasi muna mavuku maku mampwena. (Sela)
8 Oyambwidi vo awana banzeye bantina;+Unkitwidi se lekwa kiangemi kuna kwa yau.
Nkangamene, kilendi tina ko.
9 O meso mame mabukamene tombe mu kuma kia mpasi zame.+
E Yave, ikubokelanga e lumbu kiamvimba;+Kwa ngeye ngialumunuini moko muna sambu.
10 Nga ovanga masivi mu kuma ki’awana bafwa?
Awana ke bena diaka ye ngolo ko muna mafwa, nga balenda sikama muna kukembelel’e?+ (Sela)
11 Nga walakazi waku uzayiswa muna ziami e?
Yovo ziku kiaku muna fulu ya lufwasu e?*
12 Nga masivi maku mezayakana muna tombeYovo unsongi waku muna nsi yavilakanua?+
13 Vo i mono, yakinu kaza kwa ngeye, e Yave,+E sambu kiame kilwaka vana ndose aku konso mene.+
14 E Yave, ekuma umbembolwele?*+
Ekuma unswekele ndose aku?+
15 Tuka muna kileke kiame,I mumbona-mpasi, mfinamene o fwa;+
Mbangamene mu kuma kia mpasi zina oyambwidi vo zandwakila.
16 E nsita za makasi maku zinkosomwene;+O wonga waku umfwasidi.
17 Unzietele nze maza e lumbu kiamvimba;Undwakidi muna ndambu zawonso.*
18 Ovavuidi akundi ye akwame kuna kwandá yo mono;+E tombe kikitukidi se nkundi ame.
Mvovo vana yand'a lukaya
^ Tala Nsas’a Mvovo.
^ Tala Nsas’a Mvovo.
^ Yovo “Kuluka wawá e.”
^ Tala Nsas’a Mvovo.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Ngina nze muntu okondele ngolo.”
^ Yovo “ziami.”
^ Mvovo wa sina: “vana moko maku.”
^ Yovo “muna Abadone.”
^ Yovo “obembolwele moyo ame.”
^ Nanga, “Undwakidi kumosi.”
