Osea 5:1-15
-
Mfundis’a Eferaime ye Yuda (1-15)
5 “Nuwa ediadi, e yeno anganga,+Nutamba o matu, e nzo a Isaele,Nuwinikina, e nzo a ntinu,Kadi fundiswa nufundiswa;Wau vo nu ntambu kuna kwa MisepaYe konde diayalwa muna Tabo.+
2 Akolami* bakivene mvimba muna vonda wantu,Mono mu lukisa ngina* yau awonso.
3 Nzeye Eferaime,Isaele unswekamene.
Owau, Eferaime otele zumba;Isaele ukifunzuidi.+
4 Mavangu mau ke mabayambwidi ko bavutuka kwa Nzambi au,Kadi mwand’a zumba una muna yau;+Ke bazeye diaka Yave ko.
5 Umvuania wa Isaele untelele kimbangi;+Isaele yo Eferaime batele sakuba muna bi wau,Yuda otele yau sakuba.+
6 Bele vavi Yave yo mameme ye ngombe zau,Kansi ke bansolwele ko.
Oyandi ubavavukidi.+
7 Ke batatididi Yave ko,+Kadi bawutidi wan’a nzenza.
Owau, e ngonde se ikubadia ye kunku yau.*
8 Nusika e mpungi+ muna Ngibeya, nusika tulumbeta muna Rama!+
Nukaza kazu kiavita kuna Betavene+—kuna nim’aku, e Benyamini!
9 Eferaime, muna lumbu kina otumbwa okituka se lekwa kia kenonokena.+
Nsamwini dina divangama kieleka muna makanda ma Isaele.
10 Akuluntu a Yuda bena nze awana besietolanga mwingilu.+
Ikubayitila makasi mame nze maza.
11 Eferaime wabangama, okosomweno kuna unsongi,
Kadi otatamene landa mbeni andi.+
12 Ikuma nkitukidi nze nselele kuna kwa Eferaime,Nze uwolezia kuna kwa nzo a Yuda.
13 Vava Eferaime kamwene kimbevo kiandi, e Yuda e mput’andi,Eferaime wele kuna kwa Asuri,+ otumini wantu kuna kwa ntinu anene.
Kansi kalendele kunsasula koNgatu wuka e mput’andi.
14 Kadi ikala nze mwan’a nkosi kuna kwa Eferaime,Nze nkosi* angolo kuna kwa nzo a Yuda.
Mono kibeni ikubatiazuna tini-tini yo kwenda kwame;+Ikubanata, ke vekala muntu ko okubavuluza.+
15 Ikwenda vutuki kuna fulu kiame yavana bebaka mfwilu mia bi wau,I bosi, bevava e dienga diame.*+
Vava bekala muna mpasi, bekumpava.”+
Mvovo vana yand'a lukaya
^ Yovo “Avengomoki.”
^ Yovo “Omono tumba itumba.”
^ Nanga, “Owau bediwa mu ngonde mosi.”
^ Yovo “mwan’a nkosi a mika miayingi muna nsingu.”
^ Mvovo wa sina: “ndose ame.”
