Osea 7:1-16
7 “Konso ntangwa nzolele wuka Isaele,O bi wa Eferaime usenzamene,+Yo umpumbulu wa Samaria mpe.+
Kadi akwa luvunu kwau;+E mivi mikotanga muna zinzo, e buka kia asanzi besanzilanga kuna mbazi.+
2 Kansi muna ntima miau ke bazeye wo ko vo isungamena o bi wau wawonso.+
Owau mavangu mau mawonso mabazungidi;Mena ova ndose ame.
3 Beyangidikanga ntinu muna umpumbulu wau,Ye mfumu zau muna luvunu lwau.
4 Yau awonso minta-zumba,Beyanduka nze fulu dia mvangi a mbolo,Ona oyambwidi konka tiya vava kamene niema mbumba yavana ufuna.
5 Muna lumbu kia ntinu eto, akuluntu bayelele—Bafungidi makasi mu kuma kia vinyu.+
Otambikidi koko kwa avezi.
6 Kadi bafinamene ye ntima mia yanduka nze fulu.
O mvangi a mbolo olele mpimpa yawonso;
Muna mene-mene e fulu dikweme nze tiya twanyuyi.
7 Yau awonso bena nze fulu dikweme,Beminanga ayadi* au.
Ntinu miau miawonso mibwidi;+Ke mosi ko muna yau umbokele.+
8 Eferaime osangalakene ye zula.+
Eferaime wina nze mbolo yavindumuka yalembi vilulwa.
9 Anzenza bavempwele nkum’andi,+ kansi kazeye wo ko.
E mvu zimenene kuna ntu andi, kansi kazeye wo ko.
10 Umvuania wa Isaele untelele kimbangi,+Kansi ke bavutukidi kwa Yave wa Nzambi au ko,+
Ngatu kumvava muna mawonso mama.
11 Eferaime una nze yembe diazowa, diakondwa ngangu.*+
Babokele Engipito;+ bele kwa Asuri.+
12 Konso fulu bekwenda, ikubayalumwina e konde diame.
Ikubabwisa nze nuni za zulu.
Ikubatumba mun’owu wa lulukisu bavewa muna nkutakani au.+
13 Tâtu kwa yau, kadi bantinini!
Yambula bafwaswa, kadi bansumukini!
Nkubamene muna kubavuluza, kansi bavovele luvunu mu kuma kiame.+
14 Ke bankazidi ye nsi a ntima ko mu lomba lusadisu,+Kana una vo bedilanga muna mfulu zau.
Bayilwekele mu kuma kia masa ye vinyu au yampa;Bantelamene.
15 Kana una vo ibalongele yo kumika moko mau,Bantelamene, bankanini makani mambi.
16 Bavutukidi, kansi ke mu diambu dia nsambil’a ludi ko;Ke bafwanua bundwa vuvu ko, kadi bena nze mfumba wayoya.+
Mfumu zau bebwila muna nsosolo mu kuma kia tubini twau twasafuka.
I dianu vo bekala se lekwa kia luvezo muna nsi a Engipito.+
