Kuna kwa Esi Roma 10:1-21
10 Ampangi, o luzolo lwa ntim’ame ye ndodokela zame kwa Nzambi, i sia vo, Aneyisaele bavuluzwa.+
2 Kadi ndenda kubasila umbangi vo bena yo vema muna Nzambi,+ kansi ke mun’owu wa zayi wasikila ko.
3 Wau balembele zaya unsongi wa Nzambi+ yo vava sikidisa unsongi wa yau kibeni,+ ke bayisakidikidi muna unsongi wa Nzambi ko.+
4 Kadi Kristu i mbaninu a Nsiku,+ kimana awonso besonganga lukwikilu balungiswa.+
5 Kadi Mose wasoneka mu kuma kia Nsiku ulenda kitula muntu se wansongi: “O muntu ovanganga mambu mama, i mûna kekadila o moyo.”+
6 E sono yavelela isonganga mpe vo muna lukwikilu o muntu olenda badikilwa wansongi. Ivovanga vo: “Kuvovi muna ntim’aku+ ko vo: ‘Nani otomboka kuna zulu?’+ i sia vo, kakulumuna Kristu,
7 yovo ‘Nani okulumuka muna mbilu?’+ i sia vo, katombola Kristu muna mafwa.”
8 Kansi e sono aweyi kivovele? “E diambu dina yaku lukufi, omo nu’aku ye muna ntim’aku”;+ i sia vo, “e diambu” dia lukwikilu dina tusamunanga.
9 Kadi avo ovovele kwa wantu omu nu’aku vo Yesu i Mfumu,+ yo kwikila omu ntim’aku vo Nzambi wamfula muna mafwa, ovuluzwa.
10 Kadi o muntu muna kala wansongi kafwete kwikila muna ntima, kansi muna vuluzwa kafwete vovelanga lukwikilu lwandi kw’awonso.+
11 E sono kivovele vo: “Kavena muntu ko okwikila muna yandi ofusulwiswa e nsoni.”+
12 Kavena nswaswani ko vana vena Nyuda yo Mungerekia.+ Mosi kaka i Mfumu kw’awonso, ona wina vo mvuama* kw’awonso ana bekumvovelelanga.
13 Kadi “konso ona ovovela e nkumbu a Yave,* ovuluzwa.”+
14 Kansi, aweyi bekumvovelela avo ke bakwikidi muna yandi ko? Aweyi bekwikidila muna ndiona balembele wá? Aweyi bewila avo ke vena ye muntu ko osamuna?
15 Aweyi besamunuina avo ke batuminu ko?+ Wauna wasonama vo: “Ekwe wete wa malu ma awana besamunanga e nsangu zambote za diambu diambote!”+
16 Kansi, ke yau awonso ko balemvokela nsangu zambote. Kadi Yesaya wavova vo: “E Yave,* nani okwikidi muna mana tuvovele?”*+
17 Dianu vo, o lukwikilu lutukanga muna diambu kawidi o muntu.+ Dina kewanga o muntu ditukanga muna mvovo mu kuma kia Kristu.
18 Kansi edi ngiuvuidi: Nga ke bawá ko e? Kieleka, “e zú diau diele muna nza yawonso, e nsamu au ulweke yakuna nsuk’a nza.”+
19 Ngiuvuidi diaka vo: Nga Isaele kazaya wo ko e?+ Entete, Mose wavova vo: “Isadila awana bena vo ke zula ko mu kunumwesa e nsongo; isadila zula kia uzowa+ mu kubafungisa makasi.”
20 Kansi, Yesaya kuna unkabu wawonso wasamuna diambu dia Nzambi vo: “Nsolokele kwa awana ke bampavidi ko;+ nzayakene kwa awana ke bangiuvuidi ko.”+
21 Kansi wavova mu kuma kia Isaele vo: “Lumbu kiamvimba, ntambidi o moko mame kwa nkangu akolama ye akwa ntima mia mbâdi.”+
