Tuku 36:1-43
36 Lwalu i lusansu lwa Esau, i sia vo, Edome.+
2 Esau obongele akento muna wan’amakento a Kenani: Ada+ wa mwan’ankento a Elone, wa Nkete+ yo Olibama+ wa mwan’ankento a Ana, wa ntekolo a Sibone, wa Nkivi;
3 yo Basemati+ wa mwan’ankento a Yisemaele, wa nsang’a Nebayote.+
4 Ada owutìdi Esau o mwana yo kunyikila vo Elifaze, o Basemati owutidi Ruele,
5 Olibama owutidi Yusi, Yalami yo Kora.+
Awaya i wan’a Esau ana kawutila muna nsi ya Kenani.
6 I bosi, Esau obongele akazi andi, wan’andi amakala, wan’andi amakento, wantu awonso a nzo andi, makambi mandi ye bulu yandi yawonso yankaka, mavua mawonso kavuila+ muna nsi ya Kenani, wele ku nsi yankaka, osisidi Yakobo wa nleke andi kwandá.+
7 Ke balendi zingila diaka vamosi ko, kadi mavua mau mawokele kikilu. E nsi bezingilanga* ke ibafwene diaka ko mu kuma kia makambi mau.
8 Muna diadi, Esau oyantikidi zingila muna zunga kia miongo mia Seyire.+ O Esau i Edome.+
9 Olwalu i lusansu lwa Esau wa se dia Anedome, ana bezingilanga muna zunga kia miongo mia Seyire.+
10 Ezazi i nkumbu za wan’a Esau: Elifaze wa mwan’a Ada, wa nkaz’a Esau; Ruele wa mwan’a Basemati, wa nkaz’a Esau.+
11 O wan’a Elifaze: Temane,+ Oma, Zefo, Ngatami yo Kenaze.+
12 Timena okitukidi makangu ma Elifaze, wa mwan’a Esau. Kuna kwalanda, owutìdi Elifaze o mwana yo kunyikila vo Amaleke.+ Awaya i wan’a Ada, wa nkaz’a Esau.
13 Awaya i wan’a Ruele: Nakati, Zera, Sama yo Miza. Awaya i wan’a Basemati,+ wa nkaz’a Esau.
14 Awaya i wan’a Olibama wa mwan’ankento a Ana, wa ntekolo a Sibone, wa nkaz’a Esau, ana kawutila Esau: Yusi, Yalami yo Kora.
15 Ezazi i mfumu za makanda muna wan’a Esau.+ O wan’a Elifaze, wa mwan’antete a Esau: Mfumu Temane, Mfumu Oma, Mfumu Zefo, Mfumu Kenaze,+
16 Mfumu Kora, Mfumu Ngatami yo Mfumu Amaleke. Ezazi i mfumu za Elifaze+ muna nsi a Edome. Awaya i wan’a Ada.
17 Awaya i wan’a Ruele, wa mwan’a Esau: Mfumu Nakati, Mfumu Zera, Mfumu Sama yo Mfumu Miza. Ezazi i mfumu za Ruele muna nsi a Edome.+ Awaya i wan’a Basemati, wa nkaz’a Esau.
18 Awaya i wan’a Olibama, wa nkaz’a Esau: Mfumu Yusi, Mfumu Yalami yo Mfumu Kora. Ezazi i mfumu za Olibama wa mwan’ankento a Ana, wa nkaz’a Esau.
19 Awaya i wan’a Esau, ezazi mpe i Mfumu zau. O Esau i Edome.+
20 Awaya i wan’a Seyire wa musi Kore, esi nsi yayina:+ Lotane, Sobale, Sibone, Ana,+
21 Disone, Eze yo Disani.+ Ezazi i mfumu za Anekore, za wan’a Seyire, muna nsi a Edome.
22 O wan’a Lotane: Kori yo Emame; o Timena i nsang’a Lotane.+
23 Awaya i wan’a Sobale: Alevane, Manakati, Ebale, Sefo yo Oname.
24 Awaya i wan’a Sibone:+ Aya yo Ana. O ndioyu i Ana ona wasolola e nto za maza muna makanga, ekolo kavungulanga mabuluku ma Sibone, wa se diandi.
25 Awaya i wan’a Ana: Disone yo Olibama wa mwan’ankento a Ana.
26 Awaya i wan’a Disone: Kemedane, Esebane, Yiterane yo Kerane.+
27 Awaya i wan’a Eze: Bilani, Zavani yo Akane.
28 Awaya i wan’a Disani: Usi yo Arani.+
29 Ezazi i mfumu za Anekore: Mfumu Lotane, Mfumu Sobale, Mfumu Sibone, Mfumu Ana,
30 Mfumu Disone, Mfumu Eze yo Mfumu Disani.+ Ezazi i mfumu za Anekore mun’owu wa mfumu zau muna nsi a Seyire.
31 Awaya i atinu bayala muna nsi a Edome+ vitila Aneyisaele*+ bayalwa kwa konso ntinu:
32 Bela wa mwan’a Beo, wayala muna Edome, e nkumbu a mbanz’andi Dinaba.
33 Vava Bela kafwa, o Yobabe wa mwan’a Zera, wa musi Bozera, oyantikidi yala vana fulu kiandi.
34 Vava Yobabe kafwa, Kusami wa musi nsi ya Temane, oyantikidi yala vana fulu kiandi.
35 Vava Kusami kafwa, Kadadi wa mwan’a Bedade, ona watufakesa Anemidiani+ kuna zunga kia* Moabe, oyantikidi yala vana fulu kiandi, e nkumbu a mbanz’andi, Aviti.
36 Vava Kadadi kafwa, o Samela wa musi Masereka oyantikidi yala vana fulu kiandi.
37 Vava Samela kafwa, Saulu wa musi Rekobote ina vana ndambu a Nzadi, oyantikidi yala vana fulu kiandi.
38 Vava Saulu kafwa, o Bale-kanani wa mwan’a Akebo oyantikidi yala vana fulu kiandi.
39 Vava Bale-kanani wa mwan’a Akebo kafwa, o Kadare oyantikidi yala vana fulu kiandi. E nkumbu a mbanz’andi Pau, e nkumbu a nkaz’andi Metabele, wa mwan’ankento a Materede, wa mwan’ankento a Mezabi.
40 Ezazi i nkumbu za mfumu za wan’a Esau mun’owu wa vumu yau, mun’owu wa zunga yau ye nkumbu zau: Mfumu Timena, Mfumu Aleva, Mfumu Yetete,+
41 Mfumu Olibama, Mfumu Ela, Mfumu Pinone,
42 Mfumu Kenaze, Mfumu Temane, Mfumu Mibesa,
43 Mfumu Mangediele yo Mfumu Irami. Ezazi i mfumu za Anedome, mun’owu wa mavata mau muna nsi au yakivuila.+ Ondioyu i Esau wa se dia Anedome.+
Mvovo vana yand'a lukaya
^ Yovo “bezingilanga se azenza.”
^ Mvovo wa sina: “wan’a Isaele.”
^ Mvovo wa sina: “nzanza wa.”
