Tuku 43:1-34
43 O mvengele usakidi kikilu muna nsi.+
2 Muna kuma kiaki, vava kiafokoka o madia basumba kuna Engipito,+ o se diau ubavovese vo: “Nuvutuka, nuatusumbila fimadia.”
3 Yuda umvutwidi vo: “O muntu katoma kutukanikina vo: ‘Ke nuizi diaka oku ngina ko avo ke nutwese nleke eno ko.’+
4 Avo oyambwidi twenda kumosi yo nleke eto, tukulumuka yo kusumbila madia.
5 Avo kuyambula ko kenda yeto, ke tukulumuka ko, kadi o muntu watuvovesa vo: ‘Ke nuizi diaka oku ngina ko avo ke nutwese nleke eno ko.’”+
6 Isaele+ oyuvuidi vo: “Ekuma numpangidi e diambu diadi? Ekuma nuzayisidi kwa muntu vo mpangi ankaka nuna yandi?”
7 Bavutwidi vo: “O muntu yandi kibeni wayuvula mu kuma kieto ye mu kuma kia yitu yeto, oku vo: ‘Nga o se dieno wakinu o moyo e? Nga mpangi akaka nuna yandi?’ Tumvovese mawonso mama.+ Aweyi twadi zayila vo okutuvovesa vo: ‘Nutwasa o nleke eno’?”+
8 Yuda ododokele Isaele wa se diandi vo: “Yambula o nleke kenda yame,+ utuyambula twenda kimana twazinga yo lembi fwa+—oyeto yo ngeye yo wan’eto.+
9 Mono ikunlunga-lunga.*+ Tula mawonso omu ntu ame. Avo kivutukidi yandi ko yo kunsunzula kwa ngeye, ikusumukina muna zingu kiame kiawonso.
10 Kele vo katuzingidi ko, yamu wau nga nkumbu miole twele kala yo vutuka.”
11 Muna kuma kiaki, o Isaele wa se diau ubavovese vo: “Avo i wau difwete vangamena, ozevo nuvanga edi: Nubonga e mbongo ambote ya nsi yayi yo sia yo muna nsaku zeno, nukulumuka yau kwa muntu se lukau.+ Nunata fibalasamu,+ fiwiki, ladanume,* mabala ma nti uvaikisanga dimbu wa nsunga,+ bundu ya pisetase ye bundu ya amande.
12 Nunata nzimbu za nsumba zole; nunata mpe nzimbu zavutulwa muna nua mia nsaku zeno,+ nuavutula zo. Nanga vilakana bavilakana.
13 Nubonga o mpangi eno, nuenda, nuvutuka kwa muntu.
14 Yambula o Nzambi a Mpungu-ngolo kasadisa o muntu ndioyo kanufwila e nkenda, kimana kayambula o mpangi eno keza kumosi yo Benyamini. Vo i mono, avo moko mankatu isala, yambula yasala moko mankatu!”+
15 Muna diadi, o wantu babongele lukau, babongele nzimbu za nsumba zole yo Benyamini. Batelamene, bakulumukini kuna Engipito, bele diaka vana ntadisi a Yosefe.+
16 Vava Yosefe kabamwene kumosi yo Benyamini, vana vau ovovese ona watwadisanga e nzo andi vo: “Nata wantu awaya kuna nzo, kubika madia, vonda e bulu yo lamba yo, kadi kumosi bedia yame muna midi.”
17 Vana vau o muntu ovangidi dina Yosefe kavovele,+ ubanete kuna nzo a Yosefe.
18 Kansi o wantu bamwene wonga vava baneto kuna nzo a Yosefe, bayantikidi vova vo: “Edi tunatinu kwaku i mu kuma kia nzimbu twavutuka zau muna nsaku zeto, muna nkumbu antete. Owau bekutuvanga e mbi yo kutukitula se abundu yo bonga e mabuluku meto!”+
19 Muna kuma kiaki, bafinamene kwa muntu watwadisanga e nzo a Yosefe, bavovanene yandi vana mwelo a nzo.
20 Bavovele vo: “Utusila nlemvo e mfumu ame! E nkumbu antete, twakulumuka okwaku mu sumba madia.+
21 Kansi, vava twavutuka yo lwaka vana fulu twaleka, twaziula e nsaku zeto, e nzimbu za konso muntu zakala muna nua nsaku andi, e nzimbu zeto zawonso.+ Ozevo, tuzolele zo vutula yeto kibeni.
22 Tutwese nzimbu zankaka mu sumba madia. Ke tuzeye ko kana nani wasia e nzimbu muna nsaku zeto.”+
23 Ovutwidi vo: “Nuvuvama. Ke numoni wonga ko. Nzambi eno, wa Nzambi a se dieno watudidi lusalu muna nsaku zeno. E nzimbu zeno kwa mono ntete zalwakila.” I bosi, otwese Simeone vana bena.+
24 O muntu ubakotese muna nzo a Yosefe yo kubavana o maza basukula malu mau, ovene e titi kwa mabuluku mau.
25 Vava bawidi vo Yosefe okwiza muna midi mu dia yau kumosi,+ bakubikidi lukau+ mu kuma kiandi.
26 Vava Yosefe kakotele muna nzo, basunzwidi lukau lwau kwa yandi yo kumvumbamena.+
27 I bosi, ubayuvuidi kana vo bena kiambote yo vova vo: “O se dieno dia nunu ona nuampovesa, una kiambote? Wakinu o moyo e?”+
28 Bavutwidi vo: “O se dieto wa ntaudi aku una kiambote. Wakinu o moyo.” I bosi, bavumbamene.+
29 Vava Yosefe kasengwele o meso yo mona Benyamini wa nleke andi, wa mwan’a ngudi andi,+ ovovele vo: “Ondioyu i nleke eno wansuka, ona nuampovese?”+ Okudikidi vo: “E mwan’ame, yambula Nzambi kasambula.”
30 I bosi, Yosefe ovaikidi nswalu mu vava e fulu kadidila, kadi kalendele diaka kanga ntima ko mu kuma kia nleke andi. Muna kuma kiaki, okotele muna suku kakala yandi mosi, odidìdi mûna.+
31 I bosi, osukwidi e ndose andi, ovutukidi, okangidi o ntima yo vova vo: “Nutwasa madia.”
32 Basidi madia ma Yosefe va fulu kiankaka, o madia ma mpangi zandi va fulu kiankaka, esi Engipito ana bakedi yandi badididi va fulu kiankaka, wau vo esi Engipito ke balendi dila vamosi ye Ayibere ko, kadi diambu diangemi* kuna kwa esi Engipito.+
33 E mpangi za Yosefe* bavuandisu vana ntadisi andi, o mwan’antete vana fulu kia mwan’antete,+ o mwan’ansuka vana fulu kia mwan’ansuka, batalananga yo sivika.
34 Yosefe wabonganga kunku ya madia vana meza mandi yo twika yo vana meza mau, kansi e kunku kia Benyamini wawokesanga kio vioka nkumbu tanu ke mu kunku kia yau awonso ko.+ Badidi yo nua yandi kuna kiese.
Mvovo vana yand'a lukaya
^ Yovo “Mono ikala se nsimbi mu kuma kiandi.”
^ I sia vo, ndimbu wa nti wansunga.
^ Yovo “diambi kikilu.”
^ Mvovo wa sina: “Oyau.”
