Yeremiya 1:1-19
1 Mama i mambu ma Yeremiya* wa mwan’a Kilekiya, mosi muna nganga za Anatote+ muna nsi ya Benyamini.
2 E diambu dia Yave diayiza kwa yandi muna lumbu ya Yosiya+ wa mwan’a Amone,+ wa ntinu a Yuda, muna mvu wa 13 wa luyalu lwandi.
3 Diayiza mpe kwa yandi muna lumbu ya Yoyakime+ wa mwan’a Yosiya, wa ntinu a Yuda, yamuna nsuk’a mvu wa 11 wa Sedekiya+ wa mwan’a Yosiya wa ntinu a Yuda, muna ngonde ya tanu, yavana nkangu a Yerusaleme wanatwa muna kinkole.+
4 E diambu dia Yave dizidi kwa mono, oku vo:
5 “Una kiavangidi ko muna vumu kia ngudi aku yazaya,*+Una kwawutukidi ko* yavaula.+
Yakitula se ngunza kuna kwa zula.”
6 Kansi mpovele vo: “E Mfumu Yave!
Kizeye vova ko,+ kadi i nleke kwame.”+
7 I bosi Yave umpovese vo:
“Kuvovi ko vo: ‘I nleke kwame.’
Kadi ofwete kwenda vova kw’awonso ana ikutuma,Ofwete vova mawonso ikukanikina.+
8 Kubamoni* wonga ko,+Kadi ‘ngina yaku muna kuvuluza,’+ u kavovele o Yave.”
9 I bosi Yave olambwidi koko kwandi, oviakane nu’ame.+ O Yave umpovese vo: “Nsidi mvovo miame muna nu’aku.+
10 Tala, o unu kiaki ivene e wisa kia zula ye yintinu, muna vuza yo bangula, muna fwasa yo bwisa, muna tunga yo kuna.”+
11 E diambu dia Yave dizidi diaka kwa mono, oku vo: “E Yeremiya, nki omwene?” Mpovele vo: “Tayi kia amande* mbwene.”
12 Yave umpovese vo: “Otomene mona, kadi iyingilanga muna diambu diame kimana yalungisa dio.”
13 E diambu dia Yave dizidi diaka kwa mono e ngiza yazole, oku vo: “Nki omwene?” Mpovele vo: “Mbwene kinzu* kiyilanga,* o nu’andi utadidi kwaku tuka kuna node.”
14 O Yave umpovese vo:
“E mpasi zilwakilaNkangu wawonso wa nsi tuka kuna node.+
15 Kadi ‘mbokelese makanda mawonso ma yintinu ya node,’ u kavovele o Yave,+‘Oyau bekwiza; konso muntu otongeka e kunda kiandi kia kimfumuMuna mavitu ma Yerusaleme,+Banuanisa e yaka yandi yanzietaYe mbanza zawonso za Yuda.+
16 Isamuna lufwasu ikubatwasila mu kuma kia bi wau wawonso,Kadi bangiambwidi,+Bayokele ndumbu kwa nzambi zankaka+Yo vumbamena salu ya moko mau.’+
17 Kansi ofwete kubama,*Telama, wabavovesa mawonso ikukanikina.
Kubazakamena ko,+Kimana yalembi kuzakamesa vana ntadisi au.
18 Kadi o unu ikitwidi se mbanza yazungwa e yaka,Lunzi dia sengwa ye yaka ya nsongo kuna kwa nsi yawonso,+Kuna kwa atinu ye akuluntu a Yuda,Kuna kwa anganga ye nkangu a nsi.+
19 Bekunuanisa,Kansi, ke bekusunda ko,Kadi ‘ngina yaku,’+ u kavovele o Yave, ‘yavuluza.’”
Mvovo vana yand'a lukaya
^ Nanga ina ye nsasa vo: “Yave Otundidikanga.”
^ Yovo “yasola.”
^ Mvovo wa sina: “Una kwavaikidi ko muna vumu.”
^ Yovo “Kumwena mpwa zau.”
^ Mvovo wa sina: “ndiona osikamesanga.”
^ Yovo “kinzu kia sanzuka.”
^ Mvovo wa sina: “kivevomunuanga,” disongele vo, e tiya kuna nsi a kinzu, lemeswa tulemeswanga.
^ Mvovo wa sina: “kamikina luketo lwaku.”
