Yeremiya 14:1-22
14 Ediadi i diambu dia Yave diayiza kwa Yeremiya mu kuma kia kala:+
2 Yuda mu ntantu kena,+ mavitu mandi makangamene.
Bakendalele, babwidi va ntoto,E kazu kia Yerusaleme kitombokele.
3 Azitu au batumini selo* yau benda teka maza.
Bele muna sima ya maza, kansi ke basolwele maza ko.
Bavutukidi ye yinzu yau yankatu.
Bafusukidi e nsoni yo kendalala,Bafukidi e ntu miau.
4 Muna kuma kia ntoto uyumini yo tiazuka,Kadi e mvula nkatu muna nsi,+Avati a nsengo bayoyele yo fuka ntu miau.
5 Kana nkutu nkayi iwutidi vana nzanza, ibembola mwan’andiKadi ke vena titi ko.
6 O mabuluku ma mfuta matelamene muna kundubulu yakondwa titi.
Metevolanga nze mbulu;O meso mau makobokele, e kuma kadi ke vena titi ko.+
7 Kana una vo o bi weto utusididi umbangi,E Yave, vanga diambu muna kuma kia nkumbu aku.+
Kadi mavangu meto makondwa e kwikizi mayingi,+Ngeye tusumukini.
8 E vuvu kia Isaele, wa Mvuluzi andi+ muna ntangw’ampasi,Ekuma winina nze nzenza muna nsi,Nze munduti-a-nzila ona oningamene kaka muna leka mu fuku?
9 Ekuma okadilanga nze muntu otungamene,Nze kesa ona kalendi vuluza ko?
Kadi ongeye wina ova kati kweto, e Yave,+Tuyikilu muna nkumbu aku.+
Kutuyambula ko.
10 I wau wuwu kavovele o Yave muna kuma kia nkangu wau: “Bazola tungiana;+ ke belunga-lunganga malu mau ko.+ Muna kuma kiaki, o Yave ke kubayangalela ko.+ Owau, oyindula o bi wau yo kubatumba mu kuma kia masumu mau.”+
11 I bosi Yave umpovese vo: “Kusambila muna wete dia nkangu wau ko.+
12 Avo befionkonona,* kiwá ndodokela zau ko,+ vava betambika tukau twawonso twangioka yo tukau twau twa mbwaza, kiyangalela to ko,+ kansi ikubasukisila muna nsosolo, muna mvengele ye vuku.”*+
13 Muna diadi mpovele vo: “E Mfumu Yave! Tala edi bavovele angunza kwa nkangu: ‘Ke numona nsosolo ko, o mvengele ke ukunulwakila ko, kansi ikunuvana luvuvamu lwaziku muna fulu kiaki.’”+
14 I bosi Yave umpovese vo: “Angunza luvunu besakulanga muna nkumbu ame.+ Kibatumini ko yovo kubakanikina ngatu kubavovesa.+ Mana bekunusakulwilanga i mona-meso yaluvunu, mpandu yo luvunu lwa ntima miau.+
15 Muna kuma kiaki, i wau wuwu kavovele o Yave mu kuma kia ngunza zina zisakulanga muna nkumbu ame, ana kitumini ko, kansi bevovanga vo, ke mukala nsosolo ko yovo mvengele mwamu nsi yayi: ‘E ngunza zazi mu nsosolo ye mvengele befwila.+
16 O nkangu una besakulwilanga vetwa uvetwa muna nzila za Yerusaleme, mu kuma kia mvengele yo nsosolo. Ke vekala ona okubazika ko+—oyau, akazi au, wan’au amakala ye wan’au amakento—kadi ikubayitila e mpasi zina bafwanukini.’+
17 “Ubavovesa mambu mama:
‘Yambula meso mame makukula mansanga fuku yo mwini, lembi ningama,+Kadi o mwenze wa mwan’ankento wa nkangu ame omene tololwa yo kosomonua emvimba,+E ndwadi zandi za mpasi kikilu.
18 Avo mpaikidi kuna kiana,Mbwene awana bavondelo muna nsosolo!+
Avo nkotele muna mbanza,Mbwene awana bayelele mu kuma kia mvengele!+
Kadi e ngunza ye nganga bekangalanga muna nsi ina ke bazeye ko.’”+
19 Nga oyambwidi mvimba e Yuda yovo omwenene Zione ngemi?+
Ekuma utuwandidi, e nsasuka nkatu vava twina?+
Luvuvamu lwavingilwanga, kansi ke valweke diambu diambote ko,Ntangw’a wukwa, kansi wonga kaka wina vo!+
20 E Yave, tuzeye umpumbulu weto,Yo bi wa mase meto,Kadi ngeye tusumukini.+
21 Muna kuma kia nkumbu aku, kutuyambula ko;+Kubembola kunda kiaku kia nkembo ko.
Yindula, kukulula e kangu diaku ko dina wakanga yeto.+
22 E teke ya zula yakondwa o mfunu, nga ilenda nokesa mvula?
Yovo e zulu nga dilenda twika mvula zayingi?
Ke ngeye kaka ko olenda wo vanga, e Yave wa Nzambi eto?+
Muna ngeye tubundidi e vuvu,Kadi ngeye kaka ovanganga mambu mama mawonso.
