Yesaya 20:1-6
-
Sinsu mu kuma kia Engipito ye Etiopia (1-6)
20 Muna mvu una Tatani* katumwa kwa Sangone wa Ntinu a Asuri kenda kuna Asedode,+ oyandi wanuanisa Asedode yo kutumuna yo.+
2 Muna ntangwa yayina, Yave wavovela muna Yesaya+ wa mwan’a Amoze, oku vo: “Wenda, vula e ngoto muna luketo lwaku yo katula e nsampatu muna malu maku.” Ovangidi wo, oyantikidi kangala kimpene* yo malu makondwa e nsampatu.
3 I bosi, Yave ovovele vo: “Wauna o selo kiame Yesaya kekangalelanga kimpene yo malu makondwa e nsampatu mu mvu ntatu se sinsu+ ye lulukisu lwa mana mebwila Engipito+ ye Etiopia,+
4 i una o ntinu a Asuri kefidila abakami a Engipito+ ye mintayila mia Etiopia, amatoko ye anunu, i sia vo, kimpene yo malu makondwa e nsampatu ye mataku vana mbazi, e nsoni za* Engipito.
5 Bemona o wonga yo fusuka e nsoni mu kuma kia Etiopia babundiding’e vuvu ye Engipito babundiding’e tulu.*
6 Muna lumbu kiakina, awana bezingilanga muna nlambu a mbu bevova vo: ‘Tala dina dibwididi ndiona twabundiding’e vuvu, ndiona twele atinina katusadisa yo kutuvuluza vana moko ma ntinu a Asuri! Owau, aweyi tuvulukil’e?’”
Mvovo vana yand'a lukaya
^ Yovo “mfumu a makesa.”
^ Yovo “kangala ye nlele mia nsi.”
^ Mvovo wa sina: “e kimpene kia.”
^ Yovo “ina basivikidinge o vienga kwandi.”
