Yesaya 27:1-13
27 Muna lumbu kiakina, Yave muna nsosolo andi angolo, ampwena ye wankuma,+Ovutula e sungididi kiandi kwa Leviatane,* e nioka ikwendelanga mu nswalu,Kwa Leviatane, e nioka yazingalakana,Oyandi ovonda e vangwa kiampwena kikalanga muna kalunga.
2 Muna lumbu kiakina, nuyimbidila nkento* o nkunga owu:
“E mpatu a uva zivaikisanga e vinyu!*+
3 Omono Yave, ikuntaninanga.+
Ntangwa zawonso ikunyitidilanga o maza.+
Ikuntaninanga fuku yo mwini,Kimana valembi kala ona okumvanga e mbi.+
4 Kina diaka ku makasi ko.+
Nkia mpil’a mvanga ye nkeka za mfinda zikuntelamena muna vita e?
Ikubadiatakesa yo kubayoka kumosi vana tiya.
5 Vo ke wau ko, yambula kenda muna swekameno diame diangolo.
Yambula kavanga yame luvuvamu;Elo, yambula kavanga yame luvuvamu.”
6 Muna lumbu ikwiza, Yakobo ovaikisa e mianzi,Isaele ovaikisa e ntombo ye mvuma,+Oyau bezadisa e nsi ye mbongo.+
7 Nga kafwete wandwa muna mpila bekunwandilanga?
Yovo kafwete vondwa muna mpila ina wantu andi bavondelo?
8 Otantana yo nkento mu kazu kiangolo vava okunsidikaOyandi oyinga o nkento muna tembwa kiandi kiangolo muna lumbu kia tembwa kia este.+
9 Muna mpila yayi, o bi wa Yakobo uyambulwilwa,+Owau ukala se mfwilu* vava e sumu diandi dikatulwa:
Okitula matadi mawonso ma zikuNze matadi ma mpemba matutilu,Ye ke vesala kana vindi dimosi diavauka* ko ngatu ziku dia ndumbu.+
10 Kadi e mbanza yazungwa e yaka isala e nkatu;O madilu mevilakanua yo sala e nkatu nga makanga.+
I mûna o mwan’a ngombe kedila yo bubamaYo dia e tayi yandi.+
11 Vava e tayi yandi iyuma,Akento bekwiza, betolola yo,Yo lungila yo tiya.
Kadi o nkangu wau ke una yo umbakuzi ko.+
Kiaki i kuma o Mvangi au ke kubafwila nkenda ko,Ndiona wabavanga ke kubasonga dienga ko.+
12 Muna lumbu kiakina, Yave onikuna e bundu tuka kuna Nzadi* yakuna ndimb’a Engipito,+ oyeno nukutikwa mosi-mosi, e nkangu a Isaele.+
13 Muna lumbu kiakina mpungi anene isikwa,+ awana bamana tanda muna nsi ya Asuri+ ye awana bamwangana muna nsi ya Engipito,+ bekwiza yo vumbama kwa Yave muna mongo avauka muna Yerusaleme.+
Mvovo vana yand'a lukaya
^ Tala Nsas’a Mvovo.
^ Nanga Isaele uyikanga, ovava oyikilwanga nze nkento ye nze nsing’a vinyu.
^ Yovo “e vinyu ya fulu-fulu.”
^ Tala Nsas’a Mvovo.
^ Mvovo wa sina: “Eyayi ikala se mbongo awonso.”
^ I sia vo, Uferate.
