Yesaya 54:1-17
54 “Kaza ye kiese, e sita kia nkento, ongeye kwawuta ko!+
Yangalala yo kaza ye kiese,+ ongeye kwasidi mona nsongo ko,+Kadi o lutangu lwa wan’a nkento ona wabembolwa lusundidiLutangu lwa wan’a nkento una ye yakala,”*+ u kavovele o Yave.
2 “Vongesa e saba kiaku.+
Yalumuna e nlele mia saba kiaku kiampwena.
Kusie ndilu ko, lambula e nsinga mia saba kiaku,Toma simika e mpalu za saba kiaku.+
3 Kadi ongeye oyandangiana kuna lunene ye kuna lumonso.
E mbongo aku ivua e zula,Bezingila muna mbanza zasala e nkatu.+
4 Kumoni wonga ko,+ kadi kufusulwiswa nsoni ko;+Kumoni nsoni ko, kadi kukendelekwa ko.
Ongeye ovilakana e nsoni za kileke kiaku,Kusungamena diaka luvezo lwa fwilwa yakala ko.”
5 “Kadi o Mvangi aku Anene+ una nze yakala diaku,*+Yave a vu i nkumbu andi,O Mvauki a Isaele i Nkûdi aku.+
Oyandi oyikilwa vo Nzambi a nza yawonso.+
6 Kadi Yave ubokele vika sia vo u nkento wabembolwa ye mumbona-mpasi,*+Nga nkento wasompwa muna kileke, i bosi obembwelo,” u kavovele o Nzambi aku.
7 “Ibembwele mu fikolo,Kansi muna nkenda zayingi ikuvutukila.+
8 Muna makasi mayingi, iswekele ndose ame mu fikolo,+Kansi muna walakazi wakwele mvu, ikufwila e nkenda,”+ u kavovele Nkûdi aku,+ o Yave.
9 “Kuna kwa mono, ediadi dina nga muna lumbu ya Noa.+
Wauna yadila e ndofi vo maza ma Noa ke mefukila diaka nza ko,+Ndidi e ndofi vo kikufungila diaka makasi ko ngatu kusemba.+
10 Kadi e miongo milenda katulwaE kundubulu ilenda nikunua,Kansi o walakazi wame muna ngeye ke ukatulwa ko,+E kangu diame dia luvuvamu ke dinikunua ko,”+ u kavovele o Yave, ndiona okufwilanga e nkenda.+
11 “E nkento wa mumbona-mpasi,+ watumpaneswa kwa tembwa, walembi fiaulwiswa,+Ntungidi e yaka yaku muna matadi ye ntekeE nkubilw’aku muna matadi ma safire.+
12 E yaka ya lutaninu ya mbanz’aku mu matadi ma rubi itungila yo,Mavitu maku mu matadi ma nkezimi,*E mingilu miaku miawonso mu matadi mantalu.
13 O wan’aku awonso belongwa kwa Yave,+O luvuvamu lwa wan’aku lwayingi kikilu lukala.+
14 Ongeye otoma sikidiswa muna unsongi.+
O lubangamu lukuvavuka kwandá,+Kumona wonga wa konso lekwa ko, kukala ye kuma kia zakamena ko,Kadi e zakamu ke dikufinama ko.+
15 Avo muntu wizidi kunuanisa,Ke mono ko intumini.
Konso ona okunuanisa, ke sunda ko.”+
16 “Tala! Mono kibeni yasema o mvangi a lekwa ya sengwa,Ona ovemonanga makala ma tiya,Yo vanga nuaninua muna salu kiandi.
Mono mpe yasema o mfwasi kimana katwasa lufwasu.+
17 Ke vena nuaninua ko kiavangwa mu kuma kiaku kisikila,+Otumba konso lubini lukutelamena muna mfundu.
Okwaku i vua kwa selo ya Yave,Unsongi wau kwa mono utukanga,” u kavovele o Yave.+
Mvovo vana yand'a lukaya
^ Yovo “ye mfumu.”
^ Yovo “mfumu aku.”
^ Mvovo wa sina: “ye wakendalala.”
^ Yovo “ma tiya.”
