Yobi 11:1-20
11 Sofa+ wa musi Nama ovutwidi vo:
2 “E mambu mama mawonso nga ke mevaninua mvutu ko e?
Nga vova kwayingi i kwau kulungisa o muntu?*
3 Nga mawulumuna maku mekaka nua mia wantu?
Nga kavena muntu ko okutumba muna mvovo miaku mia lutiangu?+
4 Kadi ovovele vo: ‘E longi diame diavelela,+Yavelela vana meso maku.’+
5 Ekwe kele vo Nzambi kavovaYo ziula nu’andi kwa ngeye!+
6 Okusengomwena mbumba za ngangu,Kadi e ngangu zakieleka ke diambu diakete ko.
Wazaya wo vo Nzambi ke sungamena bi waku wankaka ko.
7 Nga olenda solola mambu masina ma NzambiYovo zaya mambu mawonso mu kuma kia* Mpungu-ngolo?
8 E ngangu zisundidi e zulu muna zanguka. Adieyi olenda vanga?
Zisundidi e Ziami* muna koboka. Adieyi olenda zaya?
9 Ziviokele o ntoto muna sanzuka,Ziviokele mpe kalunga muna yalumuka.
10 Avo wizidi kanga muntu kanata kuna mbazi a nkanu,Nani olenda kunkakidila?
11 Kadi ozeye vava wantu bevunanga.
Nga ke sianga sungididi ko vava kemonanga e mbi?
12 Kansi, o zowa obakula kakaVava buluku dia mfuta diwuta muntu.
13 Kele vo wakubika ntim’akuYo lambula moko maku kwa yandi.
14 Avo diambu diambi ovanganga, yambula dio,Kuyambula ko vo vilwa wakala muna saba yaku.
15 I bosi, olenda zangula ntu kondwa nsoni;Olenda sikila lembi mona wonga.
16 Kadi ovilakana e mpasi zaku;Osungamena zo nga maza mana maviokele.
17 E lumbu ya zingu kiaku iluta o kiá, ke mu midi ko;E tombe nkutu kikala nze mene-mene.
18 Okala wavuvama kadi vena ye vuvu,Otala oku yakuna, yo lekela kuna luvuvamu.
19 Vava olavalala, ke vekala muntu ko okumwesa wonga,Wantu ayingi bevava wete waku.
20 Kansi meso ma yimpumbulu fwa mefwa;Ke bekala ye fulu kia tinina ko,E vuvu kiau lufwa kaka.”*+
Mvovo vana yand'a lukaya
^ Yovo “muna tombe ye muna kini kia lufwa.”
^ Yovo “Nga nkwa lusanu okala ye ndungidi e?”
^ Yovo “solola tezo kia.”
^ Yovo “Seol,” i sia vo, ziami kia wantu awonso. Tala Nsas’a Mvovo.
