Yobi 17:1-16
17 “Mwand’ame ukosomokene, e lumbu yame ivuidi;E ziami mu kumvingila kina.+
2 Avezi banzungidi,+E meso mame mamwene* mavangu mau ma ukolami.
3 Dodokolo, tambula nsimbi ame, lunda yo.
Nani diaka okumbundila ntulu yo kumpanina nsimbi?+
4 Kadi oswekele umbakuzi muna ntima miau;+I kuma olembele kubatundidikila.
5 Vena ye ndiona okayananga e kunku kiandi ye akundi andi,Ekolo meso ma wan’andi mekoboka ye nzala.
6 Unkitwidi se kuma kia luvezo* kwa nkangu,+I dianu bantaulwidi mete vana mpolo.+
7 O meso mame mayoyele mu kuma kia ntantu,+E yikwa yame yawonso ina nze kini.*
8 Asongi basivikidi dio kikilu,O munkondwa-kuma oyangamene ntima mu kuma kia kimpumbulu.*
9 O nsongi otatidilanga e nzil’andi,+Nkwa moko mavelela, okumamene kaka.+
10 Ozevo, yeno awonso nulenda vova diaka,Kadi kimwene nkwa ngangu ko vovo nuina.+
11 E lumbu yame ivuidi;+O makani mame ye zolela ya ntim’ame isukidi.+
12 Bakitwidi fuku se mwini,Bavovele vo: ‘O ntemo nanga ufinamene, kadi kubukamene tombe.’
13 Avo mvingidi, e Ziami* kikala se nzo ame;+Iyadila mfulu ame muna tombe.+
14 Ivovesa wulu* vo:+ ‘U se diame!’
Kwa mumvidi vo, ‘U ngudi ame ye nsang’ame.’
15 Ozevo, e vuvu kiame akweyi kina?+
Nani olenda mona e vuvu kiame?
16 Kikulumuka* kuna mielo mia Ziami*Vava tukulumuka kumosi muna ntoto.”+
Mvovo vana yand'a lukaya
^ Nanga, “metalanga kondwa kwa tulu.”
^ Yovo “matungunuini.”
^ Mvovo wa sina: “ngana; savu.”
^ Yovo “ninga.”
^ Yovo “mvengomoki.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “ziami.”
^ I sia vo, vuvu kiame.
