Yobi 19:1-29
19 Yobi ovutwidi vo:
2 “Nkia kolo nukwamanana kumfungisa makasi,*+Yo kunkosomona muna mvovo?+
3 Nkumbu kumi nuntumbidi* kala;Ke numwene nsoni ko wau numbwesese mpasi.+
4 Avo diambu diambi mpangidi,E mbi ame ina yame.
5 Avo nukwamanene kuyitundidika vava ngina,Yo vova vo tumbu kimfwanukini,
6 Nuzaya wo vo Nzambi umpunini,Umbakidi muna konde diandi.
7 Nuwá! Nkazidi vo: ‘Nkotelo nsoki!’ kansi kitambwidi mvutu ko;+
Ndombele lusadisu, kansi kavena nzengi a mambu ko.+
8 Okakidi nzil’ame ye yaka kia matadi, kilendi vioka ko;Ofukidi mayendelo mame ye tombe.+
9 Okatwidi nkembo ameOkatwidi kolowa ova ntu ame.
10 Unkosomwene muna ndambu zawonso yamuna lufwasu;Ovuzidi e vuvu kiame nze nti.
11 Makasi mandi mamfusukidi,Umbwenene nze mbeni andi.+
12 E makesa mandi mezidi kumosi, manzietele,Mazungidi saba kiame.
13 Okatwidi mpangi zame vava ngina, ubafididi kwandá,Awana banzeye bantinini.+
14 Akundi ame* bangiambwidi,Ana yatoma zaya, bamvilakene.+
15 Anzenza muna nzo ame+ ye ntaudi zame zamakento bambwenene vo i nzenza;I musi nsi yankaka vana meso mau.
16 Mbokele ntaudi ame, kansi katambulwidi ko;Indodokele kamfwila e nkenda.
17 E fulumwinu kiame se nkele kwa nkaz’ame,+E nsudi ame se yangemi kuna kwa mpangi zame.*
18 E yindende nkutu bampezele;Avo ntelamene, bayantikidi kunseva.
19 Akundi ame awonso bambengene,+Awana yazolanga, bampilukìdi.+
20 Nitu ame se visi ye visi,*+Fioti kaka fiasala, nga yafwa.*
21 Numfwila nkenda, numfwila nkenda, akundi ame,Kadi koko kwa Nzambi kumpiakane.+
22 Ekuma nukwamanene kumbangikila wauna Nzambi kekumbangikilanga,+Yo kwamanana kundwanisa?*+
23 Ekwe kele vo mvovo miame miasonekwa,Miasonekwa muna nkanda!
24 Kele vo miasonekwa vana tadi yakwele mvu,Muna lapi kia sengwa ye mbodi!
25 Kadi nzeye wo vo nkûdi ame+ una moyo;I bosi kekwiza yo telama va ntoto.
26 O nkand’ame umene fwasakanaEkolo yakinu moyo imona Nzambi,
27 Mono kibeni ikumona,Ikumona muna meso mame, ke ma muntu ankaka ko.+
Kansi nkendalele muna nsi ame a mbundu.*
28 Kadi nuvovele vo: ‘Aweyi tumbangikidi?’+
Wau vo mono i tuku dia mambu.
29 Numona wonga wa nsosolo,+Kadi nsosolo utwasa tumbu kwa awana bevanganga mambu mambi;Nuzaya wo vo vena yo mfundisi.”+
Mvovo vana yand'a lukaya
^ Yovo “kuna kekalanga mu fikolo.”
^ Yovo “kendeleka moyo ame.” Tala Nsas’a Mvovo.
^ Yovo “nundevuele.”
^ Yovo “Yitu yame.”
^ Mvovo wa sina: “kuna kwa wan’a vumu kiame,” i sia vo, vumu kina kianguta (vumu kia ngudi ame).
^ Mvovo wa sina: “E visi yame ilamini nkand’ame yo nsuni ame.”
^ Mvovo wa sina: “Ntayidi muna nkand’a meno mame.”
^ Mvovo wa sina: “Ke nuayukuta nitu ame ko?”
