Yobi 20:1-29
20 Sofa+ wa musi Nama ovutwidi vo:
2 “E ntokani zame zimfididi mu vutula,Muna kuma kia ntantu mbwene.
3 O lusembo luna ngwidi i fingu kwa mono;Umbakuzi* wame umfididi mu vutula.
4 Kieleka, ediadi otomene dio zaya,Kadi i wau dikalanga tuka kiasilwa muntu* ova nza,+
5 E kazu kiakiese kia kimpumbulu kia kolo kiandwelo,E kiese kia kimpumbulu* ndaya meso kwandi.+
6 Kana una vo o nene wandi utombokele kuna zuluO ntu andi ulweke muna matuti,
7 Ovila yakwele mvu nze mvindu andi a vumu;Ana bamonanga beyuvula vo: ‘Akweyi kena?’
8 Ovilakanua mu nzaki nze ndozi, ke bekunsolola ko;Ovila nze mona-meso kia fuku.
9 O meso mana mamonanga ke mekumona diaka ko,E fulu kiandi ke kikumona diaka ko.+
10 O wan’andi bevava dienga kwa asukami,E moko mandi mevutula kimvuama kiandi.+
11 E visi yandi yazala ye ngolo za kileke,Kansi, zilavalala* yandi muna ntoto.
12 Avo diambu diambi dizenzele muna nu’andi,Avo oswekele dio kuna nsi a lubini lwandi,
13 Avo oyelekele dio yo lembi dio vaikisaYo lunda dio kaka muna nu’andi,
14 E madia mandi ngani mekituka muna vumu;Mekala nze manga* mia nioka muna vumu kiandi.
15 Ominini kimvuama, kansi luka keluka kio;Nzambi ovaikisa kio muna vumu kiandi.
16 Yema keyema manga mia mpidi;Meno ma* mboma mekumvonda.
17 Ke mona nkukula za maza ko,Nkukul’a wiki ye manteka.
18 Vutula kevutula mavua mandi, ke sadila mo ko;*Ke mona wete wa kimvuama ko kina kavuila muna kinkita.+
19 Kadi okosomwene yo bembola nsukami;Okutumwini nzo ina katunga ko.
20 Kansi ke kala mu luvuvamu ko;Mavua mandi ke mekumvuluza ko.
21 Ke vasidi lekwa ko kina kedia;Muna kuma kiaki, e kimvuama kiandi ke kizingila ko.
22 Vava kimvuama kiandi kiwokela, e ntelamw’a moyo ukunyala;O mambu mawonso mambi mekunlwakila.
23 Vava kezadisa vumu kiandi,Nzambi okuntwasila nsita za makasi mandi,Okunokesena mo yamuna ndia miandi.
24 Vava ketina nuaninua ya sengwa,E maswanga ma nsongo mekuntobola.
25 Ovuzidi swanga dina katelele kuna nim’andi,Okatwidi swanga dia nkezimi muna mbilubisu* andi,Obakamene wonga.+
26 E kimvuama kiandi kividila muna tombe kiangolo;E tiya twalembi kwikwa kwa muntu tukunzinisa;E mpasi zivingila awana besala ye moyo muna saba kiandi.
27 E zulu disengomona mbi andi;E nza ikuntelamena.
28 E kizalu kikukulwisa e nzo andi;Kizalu kiampwena kikala muna lumbu kia makasi ma Nzambi.*
29 Ekiaki i kunku o Nzambi kevana kwa kimpumbulu,I vua kansikidisila o Nzambi.”
Mvovo vana yand'a lukaya
^ Yovo “E nsi ame a mbundu iladidi.”
^ Mvovo wa sina: “Mwand’a umbakuzi.”
^ Yovo “wantu; Adami.”
^ Yovo “mvengomoki.”
^ I sia vo, ngolo zandi.
^ Yovo “mbilubisu.”
^ Mvovo wa sina: “Lubini lwa.”
^ Mvovo wa sina: “ke mina mo ko.”
^ Yovo “ndulu; kinkadi-nkadi.”
