Yobi 31:1-40
31 “Nkangidi e kangu yo meso mame.+
Ozevo, aweyi ndenda tadila ndumba yo kunlengokela o moyo?+
2 Nkia kunku itambula kwa Nzambi kuna ntandu,Nkia vua itambula kwa Mpungu-ngolo kuna kayengele?
3 Nga ke vonza ko kilwakila kimpumbuluYe mpasi zayingi kwa awana bevanganga mambu mambi?+
4 Nga kamwene nzila zame ko+Yo tanga ntambi zame zawonso?
5 Nga luvunu yavova?*
Nga malu mame nswalu mayenda muna vova luvunu?+
6 Yambula Nzambi kanteza vana balanza ya ziku;+Ozevo, yandi ozaya wo vo i nkwa kwikizi.+
7 Avo ntambi zame zivengomokene muna nzila+Avo ntim’ame ulende meso mame+Avo moko mame mafunzukidi,
8 Ozevo, yambula yakuna e mbongo, muntu ankaka kadia,+Yambula e mbongo ina nkunini yavuzwa.*
9 Avo ntim’ame uvukumwinu kwa nkento+Yo kondelela mwelo+ a mfinangani ame,
10 Ozevo, yambula nkaz’ame katuta masa ma yakala diankaka,Akaka bavukana yandi.*+
11 Kadi diambu diansoni yadi vanga,Sumu difwene tumbwa kwa afundisi.+
12 Diadi kala nze tiya tubomonanga yo fwasa,*+Yo bomona nkutu mianzi mia mbongo ame yawonso.*
13 Avo kiatalanga diambu dia ntaudi ame ayakala ko yovo wankento kuna unsongiVava bangidiminanga,*
14 Adieyi ivanga avo Nzambi umfundisi?
Adieyi ivutula avo untesese mbalu?+
15 Ndiona wampanga muna vumu, nga ke yandi ko wabavanga?+
Nga ke yandi ko watuvanga vitila twawutuka?*+
16 Avo kiavana kw’asukami ko kina bavuanga o mfunu,+Avo nkento wafwilwa yakala yakendeleka;*+
17 Avo mono mosi kaka yadianga madia mameLembi mo kayila kwa wan’a nsona;+
18 (Kadi tuka muna kileke kiame yasansa mwan’a nsona,* yakala nze se diandi,Tuka muna kileke kiame* isadisanga nkento wafwilwa yakala.)
19 Avo yamona muntu wafwa nkongaYovo nsukami wakondwa nlele wa kuyifuka;+
20 Avo kamvutulanga matondo ko*+Vava kayifukanga nlele a mika mia mameme mame;
21 Avo mwan’a nsona yazangulwila e nkomi+Vava kandomba lusadisu vana vitu dia mbanza;*+
22 Yambula koko kwame kwasokoka muna vembo,Koko kwame kwatoloka vana kongonia.
23 Kadi yamona wonga vo Nzambi okuntwasila mpasi,Kilenda telama ko muna kuma kia zitu wandi.
24 Avo wolo yabunda e vuvuYo vova kwa wolo wakenzwa vo: ‘U ntanini ame!’+
25 Avo kimvuama kiame kiayingi yamwena kiese+Muna kuma kia ulolo wa mavua mame;+
26 Avo yamonanga ntangwa* yakezimangaYovo ngonde wakangalanga muna nkembo andi;+
27 Avo ntim’ame wavukumunua kuna kinsweki,Avo nu’ame wafiba koko kwame muna sambila yo;+
28 Eyayi mbi yafwana tumbwa kw’afundisi,Kadi Nzambi aludi una kuna ntandu yadi vakulwila o nkalu.
29 Nga mpasi za mbeni ame yamwena kiese+Yovo yayangalala wau vo mbi yanlwakila?
30 Kisidi yambula nu’ame ko wasumukaMuna kunsiba yo lomba lufwa lwandi.+
31 Wantu muna saba kiame ke bavova ko vo:‘Nani olenda solola ona walembi yukuta muna madia mandi?’*+
32 Ke mwakala nzenza ko waleka ku mbazi;+Yaziulanga yelo yame mu kuma kia munduti a nzila.
33 Nga yafuka masumu mame nze una bevanganga akaka,+Yo sweka bi wame muna posi kia mvuatu ame?
34 Nga ndonga yamwena wonga,Yovo luvezo lwa esi nzo zankaka yazakamena,Yo dingalala yo lembi vaika ku mbazi mu kuma kia wonga?
35 Ekwe kele vo vakala muntu olenda kungwá!+
Nga nsinini e nkumbu ame kuna mfoko a mvovo miame.
Yambula Mpungu-ngolo kampana e mvutu!+
Kele vo ndiona umfundidi kasoneka mfundu muna nkanda!
36 Nga yadi wo nata vana vembo diame,Yo sia wo vana ntu ame nze kolowa.
37 Yadi kunzayisa lutangu lwa ntambi zame zawonso;Yadi kumfinama ye ntima wawonso nze mfumu.
38 Avo ntoto ame ukunkazilaE nkala mia yana yandi miawonso miadidila kumosi;
39 Avo mbongo andi yadia lembi futa nzimbu,+Avo awana bavuidi mpatu yadimbulwisa e vuvu;+
40 Yambula nsende zamena vana fulu kia masaTiti yansudi yamena vana fulu kia mbongo a bale.”
I mfoko a mvovo mia Yobi.
Mvovo vana yand'a lukaya
^ Nanga, “Nga akwa luvunu yakangala yau?”
^ Yovo “Yambula wan’ame bavuzwa.”
^ Mvovo wa sina: “Akaka bafukama vana kena.”
^ Mvovo wa sina: “tudianga (bomona) yamuna lufwasu.”
^ Yovo “vuza mbongo ame.”
^ Yovo “bakalanga yo mfundu.”
^ Mvovo wa sina: “muna vumu.”
^ Mvovo wa sina: “Avo meso ma nkento wafwilwa yakala yavonda.”
^ Mvovo wa sina: “mwan’a yakala.”
^ Mvovo wa sina: “Tuka muna vumu kia ngudi ame.”
^ Mvovo wa sina: “Avo luketo lwandi ke lunsambwidi ko.”
^ Nanga, “Wau mbwene vo ngina ye nsadisi vana vitu dia mbanza.”
^ Mvovo wa sina: “mwini.”
^ Mvovo wa sina: “mbizi andi.”
