Yobi 39:1-30
39 “Nga ozeye ntangwa iwutanga e nkombo za miongo?+
Nga wamona kala nkayi vava ziwutanga wan’au?+
2 Nga olenda tanga e ngonde bekalanga bayimita?
Nga ozeye e ntangwa ina bewutanga?
3 Bekulukanga avo se bewuta o wan’au,E nsongo miau mifokokanga.
4 Wan’au bekumamanga yo kudila muna nzanza;Bevaika yo lembi vutuka diaka kwa yau.
5 Nani ovevuele buluku dia mfuta,+Nani okutulwidi e nsinga mia buluku dia mfuta?
6 Nkubikidi makanga se nzo andiE nsi a mungwa i fulu kiandi.
7 Ovezele mavuanga ma mbanza;Ke wanga mazú ma mfidi ko.
8 Ovumvulanga muna miongo mu vava madilu,Otombanga e nti miawonso mia savuka.
9 E mpakasa nga ozola kusadila?+
Nga oleka muna mpak’aku?*
10 Nga okanga nsengo muna mpakasa kavatila,Yovo okulanda kuna nima kavatila ndimba?
11 Nga obunda e vuvu muna ngolo zandi zayingiYo yambula vo kasadila e salu yaku yangolo?
12 Nga okumbunda e vuvu katwasila mbongo aku,Yo kutika yo vana bundilu diaku?
13 E mave ma seteleke mepapumukanga ye kiese,Nga mave ye nsala zandi zilenda tezaneswa ye za malanda-ngombe?+
14 Osisanga maki mandi va ntoto,Yo yandulwila mo vana senge.
15 Ovilakananga vo malenda diatakeswa yo kosomonua kwa wantuYovo bulu kia mfuta kilenda mo diatakesa.
16 Obangikanga wan’andi nze ke wan’andi ko;+Ke yindulanga ko vo e salu kiandi kiampavala.
17 Kadi Nzambi wanyimina* e ngangu,Kamvana umbakuzi ko.
18 Kansi avo otelamene yo papumuna mave mandi,Osevanga mvalu ye ndiona okwendelanga mo.
19 Nga ngeye ovananga ngolo kwa mvalu,+Yo vuatisa e nsingu andi sasala kia mika mipepomokanga?
20 Nga olenda kumfila katilumuka nze dikonko?
E nkufun’andi angolo wonga imwesanga.+
21 Ofulutanga ndimba yo yangalela ngolo zandi;+Ovaikidi, wele nuana e vita.*+
22 Osevele o wonga, ke kemwenanga lekwa wonga ko.+
Ngatu vutuka manima mu kuma kia nsosolo.
23 Maswanga meninganga vana kena,E dionga dianene ye diakete dikezimanga.
24 Ozakamanga yo fwema, okwenda tikuningi kuna ntwala,*Kalendi dingalala ko* muna zú dia mpungi.
25 E mpungi avo isikilu, okufunanga!’
Owanga nsudi a vita tuka kuna valaOwanga e kazu kia mfumu a makesa ye kazu kia vita.+
26 E kimbi nga otilumukanga muna umbakuzi waku,Yo yalumuna mave mandi kuna sude?
27 E ngo-zulu nga mu lutumu lwaku ketilumukinanga kuna zulu,+Yo tunga zala diandi kuna zulu,+
28 Olekanga vana tadi,Vana swekameno diandi kekalanga, vana ntandu a tadi?*
29 I kwakuna kevavilanga madia;+Meso mandi memonanga tuka kuna vala.
30 O wan’andi menga benuanga;Konso fulu kina e bulu kiafwa, i kuna kena.”+
Mvovo vana yand'a lukaya
^ Yovo “dikilwa kia twelezi.”
^ Mvovo wa sina: “wamvilakesa.”
^ Mvovo wa sina: “Ovaikanga kawanana ye nuaninua.”
^ Mvovo wa sina: “ominanga ntoto.”
^ Nanga, “Kalendi kwikila ko.”
^ Mvovo wa sina: “muna meno ma tadi.”
