Yobi 5:1-27
5 “Bokela! Nga vena yo muntu okutambulwila?
Kwa nani muna avauki ovavila lusadisu?
2 Kadi e fu kia lunda makasi kivonda e zowa,E zinu divonda e tunga.
3 Mbwene zowa ovaikidi e mianzi,Kansi kuna kinsalukisa e nzo andi isibilu.
4 Wan’andi ke bena ye lutaninu ko,Bekosomonua vana vitu dia mbanza,+ ke vena muntu ko okubavuluza.
5 E mimfwa nzala bedianga ina bekutikanga,Bebakilanga yo kana nkutu vana nsende,E mavua mau mebakama muna ntambu.
6 Kadi e mpasi ke zitukanga mu mbundukutu ko,E lubangamu ke lutukanga mu ntoto ko.
7 Kadi muntu muna mpasi kawutukila,Nze una ntimbu-ntimbu za tiya zitimbukilanga.
8 Vo i mono kwa Nzambi idodokela,Kuna kwa Nzambi isunzula e diambu diame,
9 Ona ovanganga mambu manene ye mampimpita,Ye mambu masivi malembi tangakana.
10 Onokesanga mvula va ntotoYo twika maza muna mpatu.
11 Otundidikanga nlembami,Yo zangula ona wakendalala yamuna luvuluzu.
12 Ofukisanga makani ma yimpumbulu,Kimana salu ya moko mau yalembi sikila.
13 Obakilanga akwa ngangu muna umpuki wau,+Muna diadi, makani ma akwa ngangu mefukiswanga.
14 Bewanana ye tombe muna mwini,Bebabata muna midi* nze mu mpimpa.
15 Ovuluzanga muna nsosolo a nua miau,Ovuluza nsukami vana moko ma nkwa ngolo,
16 Dianu vo vena ye vuvu kuna kwa nlembami,Kansi, o nua wa nkwa vilwa ubutikwa.
17 Nkwa kiese ona otumbilu kwa Nzambi;Dianu vo, kubembodi e longi dia Mpungu-ngolo ko!
18 Kadi olweka, kansi okanga e mputa;Okosomona, kansi owuka muna moko mandi.
19 Okuvuluza mu sumbula sambanu,Kana nkutu kina kia nsambwadi ke kikuvanga mbi ko.
20 Muna ntangw’a mvengele, okuvuluza muna lufwa,Yamuna ngolo za nsosolo muna vita.
21 Otaninua muna ngwandwa za lubini,+Kumona wonga wa lufwasu ko vava lulwaka.
22 Oseva lufwasu ye nzala,Kumona wonga wa bulu yansisi ya ntoto ko.
23 Kadi matadi ma nzanza ke mekuvanga mpasi ko,*E bulu ya mfuta ikadila yaku kuna luvuvamu.
24 Ozaya wo vo e saba kiaku kiasikila,*Vava ofimpa madilu maku ma twelezi, omona vo ke mukondwa lekwa ko.
25 Okala yo wan’ayingi,Mbongo aku iwokela nze titi ya ntoto.
26 Okala ye ngolo vava okulumuka muna ziami,Nze ntete mia masa mikutikilu muna nsungi andi.
27 I mau mama twafimpa, i wau kikilu mena.
Wá yo tambulwila mo.”
Mvovo vana yand'a lukaya
^ Yovo “ntangw’anlungu.”
^ Yovo “mekanga yaku e kangu.”
^ Mvovo wa sina: “kiavuvama.”
