Muna lusansu lwawonso lwa wantu, nkumbu miayingi ayadi besadisanga o nkangu a Yave. (Eze 6:1-12; Est 8:10-13) Kana nkutu mu lumbu yeto tumonanga o “ntoto,” i sia vo, wantu a tandu kiaki akwa ntima miambote, beminanga “o nkoko” a lubangamu lutwaswanga kwa “ngobodi” una vo i Satana wa Nkadi ampemba. (Lus 12:16) Yave wa ‘Nzambi ona ovuluzanga,’ olenda fila ayadi mu sadisa nkangu andi.—Nku 68:20; Nga 21:1.

Adieyi tuvova avo osilu mu pelezo mu kuma kia lukwikilu lwaku? Kala ye ziku vo Yave okala yaku. (Tuku 39:21-23; Nku 105:17-20) Zaya dio vo lukwikilu lwaku lusendwa, e kwikizi kiaku kikasakesa mpangi zaku mu nza yawonso.—Fili 1:12-14; Lus 2:10.

TALA E VIDEO, AMPANGI KUNA COREA BAVAIKISU MU PELEZO, I BOSI VANA E MVUTU ZA YUVU ILENDE:

• Ekuma mpangi zayingi basilwanga mu pelezo kuna Corea do Sul mu mvu miavioka?

• Nkia nsiku miafila e mbazi a nkanu mu vayikisa ampangi vitila balungisa e mvu bazengelwa?

• Aweyi tulenda sadisila mpangi zeto mu nza yawonso ana besiwanga mu pelezo mu kuma kia lukwikilu lwau?

• Aweyi tulenda sadila konso luvevoko tuna lwau?

• Nani kikilu okutuvevolanga muna mbazi za nkanu?