Awana kaka bena ye fu ya nkal’ambote i balenda kala ye ngwizani ambote yo Yave. (1 Pet. 1:14-16) Ekolo alongoki a Bibila beyambulanga e fu yambi, balenda vua e nluta mia kala ye zingu kia nzo kiakiese, vimpi wambote yo lembi fwasa e nzimbu kondwa kuma kiasikila.

Toma kubasasila e nkanikinu mia nkal’ambote mia Yave ye una balenda vuila e nluta muna mio lemvokela. Vanga e ngolo za sadisa alongoki aku basoba e mpil’au ya yindulwila. Ediadi dikubasadisa mu vanga mana Yave kezolanga. (Efe. 4:22-24) Ubasikidisa vo muna lusadisu lwa Yave, balenda sunda konso fu kiambi. (Fili. 4:13) Ubalonga badodokelanga Yave vava bewanananga ye ntonta za vanga edi diambi. Ubasadisa bazaya e vonza ina bafwete venga. Ubakasakesa bavingisa mambu mambote vana fulu kia mavangu mambi. O vanga wo dikusadisa mu kala ye kiese kiayingi kia mona una alongoki aku bevangila e nsobani muna lusadisu lwa Yave.

TALA E VIDEO, SADISA ALONGOKI AKU BASUNDA MAVANGU MA USAFU. I BOSI, VANA E MVUTU ZA YUVU ILENDE:

• Nkia vuvu bakala kiau akuluntu yo Anita muna Petala?

• Aweyi Anita kavanina diaka lusadisu kwa Petala?

• Aweyi Petala kavavila lusadisu lwa Yave?