Ekwe kiese tuna kiau wau twatambwidi finkanda yo nkanda wampa muna longoka e Bibila yo wantu! Tusambanga kwa Yave kimana kasambula e ngolo zeto za kitula wantu ayingi se alongoki. (Mat. 28:18-20; 1 Kor. 3:6-9) Aweyi tusadila e nkanda miami miampa?

Wau vo nkanda, Zinga ye Kiese Yakwele Mvu! usonganga e ndekwa zampa za longela, sadila e ndekwa zazi ekolo okubikanga ye vava ofilanga e longi dia Bibila. *

• Tanga e tini, i bosi badika e kiuvu

• Tanga e sono yasonama vo “tanga” yo sadisa o nlongoki kabakula una kalenda yo sadila muna zingu kiandi

• Nutala e video yo vana e mvutu za yuvu ina muna tini

• Nuteza fokola e longi diawonso mu nkumbu mosi

Muna salu kia umbangi, kaya ntete finkanda muna zaya kana vo muntu una kikilu ye tima dia longoka. (Tala e babu, “ Una tulenda Kayila finkanda, Zinga ye Kiese Yakwele Mvu! muna Moko Kiantete.”) Vava nufokola longoka e finkanda, avo nlongoki ozolele kwamanana longoka, olenda kunkayila o nkanda yo yantikila muna longi dia 4. Avo muntu olongokanga yandi umosi muna nkanda mieto mia longokela, nulenda yantika longoka o nkanda Zinga ye Kiese Yakwele Mvu! yo sola vana nuyantikila.

TALA E VIDEO, NGIZ’AMBOTE MUNA LONGI DIAKU DIA BIBILA, I BOSI VANA E MVUTU ZA YUVU ILENDE:

• Nkia mambu alongoki belongoka muna nkanda wampa?

• Ekuma ofwete songela e video yayi kwa alongoki ampa?

• Nkia makani olenda kasakesa o nlongoki kayisila yo lungisa mo?—Tala e babu, “ Diambu Diasina ye Kani dia Konso Kunku.”