Nga ntangwa zawonso Yave ozayanga oma masundidi o wete kwa yeto? Ingeta. Tusonganga vo tu akwa ngangu vava tulemvokelanga o luludiku lwa Yave. (Nga. 16:3, 9) Kansi, tulenda tontwa mu lembi lemvokela luludiku lwa Yave vava lukalanga lwaswaswana ye ngindu zeto. Tulenda kumika e vuvu kieto muna ngangu za Yave vava tubadikanga e lekwa ina kavanga.—Nga. 30:24, 25; Roma 1:20.

TALA E VIDEO, NGA VENA YO MVANGI? AWEYI E YIMFIETETE YILENDELANGA KANGALELA MU NLONGA LEMBI KAKAMA? I BOSI, VANA E MVUTU ZA YUVU ILENDE:

• E yimfietete nkia salu yisalanga lumbu ke lumbu?

• Aweyi e yimfietete yikangalelanga muna nlonga lembi kakama?

• Adieyi o wantu balenda longoka muna mpila ina yimfietete yikangalelanga?

TALA E VIDEO, NGA VENA YO MVANGI? UNA MBWINGINA ZITILUMUKINANGA, I BOSI, VANA E MVUTU ZA YUVU ILENDE:

• Nkia nkakalakani benuananga zau o wantu vava bekangalelanga mu ndeki yakete?

• Aweyi e mbwinginina zikwamanenanga timuka lembi bwiswa kwa tembwa kiangolo?

• Aweyi o wantu balenda vuila e nluta muna ngangu za mbwinginina?

Aweyi omwenanga e ziku kia ngangu za Yave muna nsema muna zunga ozingilanga?