Vava Yesu kakala ova ntoto, wasonga o zola kwa wantu, musungula kwa asukami ye awana bakala ye ntokani zasaka. (Matai 9:36) Kuna kwalanda, wavana nkutu o moyo andi muna wete dia akaka. (Matai 20:28; Yoane 15:13) Ke kolo ko osonga diaka o zola kwaku kwa wantu muna sadila e wisa kiandi se Ntinu a Kintinu kia Nzambi muna fokola usukami ova ntoto.

 Tala una e Bibila kisasilanga dina Yesu kesinga vanga:

•   “Yambula katanina alembami vana vena nkangu, Kavuluza wan’asukami.”—Nkunga 72:4.

 Aweyi tulenda songela luyangalalu lweto muna mawonso Yesu kavanga ye mana kesinga vanga mu kuma kieto? Muna Luka 22:19, Yesu wavovesa alandi andi vo basungamenanga lufwa lwandi. Dianu vo muna konso mvu mu nza yawonso, Mbangi za Yave bekutakananga mu yindula o lufwa lwa Yesu. Tubokele mu kala yeto muna Luyindulu lwa lufwa lwa Yesu kina kia Lumingu kia 24 kia Malusu, 2024.

Solola oma ma Luyindulu