LONGI DIA 7
Nzo Yandá ya Babele
Kuna nim’a Kizalu, o wan’a Noa bawuta wan’ayingi. Kuna kwalanda, makanda mau mawokela kikilu. Bayantika mwangana ova nza nze una Yave kabavovesa.
Kansi, makanda mankaka ke bazola lemvokela Yave ko. Bavova vo: ‘Tutunga mbanza yampwena ina tuzingila yeto awonso. Tutunga nzo yandá ilwaka yakuna zulu. Muna mpila yayi tutoma zayakana.’
Yave kayangalela ngindu zazi ko. Nga ozeye dina Yave kavanga muna kubasima? Vana vau, wantu bayantika vova ndinga zaswaswana. Wau vo ke vakala muntu ko wabakulanga mana nkwandi kavovanga, bayambula tunga e mbanza. Kiaki i kuma e mbanza ina batunganga yayikilwa vo Babele, disongele vo “mavuanga.” Wantu bayantika mwangana mu nza yawonso. Kansi, bakwamanana vanga mambu mambi muna fulu ina bayenda zingila. Nga vakala yo muntu ona wakwamanana zola Yave? Tubaka e mvutu mu longi dilanda.
“Konso ona okuyitundidika, okululwa, kansi konso ona okuyikulula, otundidikwa.”—Luka 18:14
Nanga Oyangalela Mpe Malongi Mama
EYINGIDILU DIA NKANGU
Nga Ndinga Zeto Kuna ‘Nzo Yandá ya Babele’ Zatuka?
Nki i Nzo Yandá ya Babele? Akweyi kwatuka ndinga za wantu?
