NG’OZEYE nki benonang’o nkangu vana ntoto? Má yampembe. Ina nze kimè. Kansi, ke kimè ko, ma kia dia.

Ngonde mosi kaka yavioka tuka Aneyisaele bavaika muna Engipito. Balweke muna makanga. Ke vena madia mayingi ko. O Nkangu, uyidimini yo vova vo: ‘Kele vo o Yave katuvondela muna Engipito nga diambote, kadi twakala yo madia mawonso twazolanga.’

O Yave ovovele vo: “Nokesena ikununokesena dia kun’ezulu.” I wau mpe kavanga. E lumbu kialanda vava Aneyisaele bamona dia koko vana ntoto bayuvwidi vo: “nki kiaki?”

O Mose ovovele vo: “I dia kuku kanuvene o Yave nwadia.” Nkangu oyikidi ko vo MANA. O ntomo andi nze yimbolombolo ya wiki.

O Mose ovovese nkangu vo, ‘konso muntu kabonga kaka ina kalenda dia.’ I una bavanganga konso mene. Vava mwini wabayanga, e mana yasiswanga vana ntoto yalalanga.

O Mose ubavovese mpe vo: ‘Ke vakadi muntu kalunda mana yaku mbazi mene ko.’ Kansi akaka muna nkangu ke bawila Mose ko. Ng’ozeye dina diabwa? E mana balundanga yaku mbazi mene yiwutidi mimvidi yo ta nsudi.

Kansi, o Yave wavovesa nkangu vo muna lumbu kiesambanu bakutika kunku yole ya madia, balunda maka madia mu lumbu kilanda. Kadi, kekubatwikila madia ko muna lumbu kiansambwadi. Vava balunda mana mu dia kwa lumbu kiansambwadi ke matà nsudi ko ngatu vaika mimvidi. I’sivi diakaka kavang’o Nzambi.

Yave wadikila Aneyisaele mana e mvu miawonso bakala muna makanga.