LONGI DIA 36
Kala Nkwa Ziku Muna Mambu Mawonso
Wantu awonso bezolanga akundi ana bena vo akwa ziku. Yave mpe ozolanga vo akundi andi bakala akwa ziku. Kansi, diampasi mu kala nkwa ziku mu nza yayi yazala yo wantu bakondele ziku. Okala nkwa ziku muna mambu mawonso, nkia nluta ditwasanga?
1. Nkia kuma kiasikila tuna kiau mu kala akwa ziku?
Vava tusonganga kwa akaka vo tu akwa ziku, tusonganga vo Yave tuzolanga yo kunzitisa. Zaya wo vo: Yave ozeye mawonso tuyindulanga yo vanga. (Ayibere 4:13) Omonanga vava tusonganga e ziku ye oyangalalanga. Bibila kivovanga vo: “Yave omenganga mpuki, kansi okalanga se nkundi akola kw’ansongi.”—Ngana 3:32.
2. Aweyi tulenda kadila akwa ziku muna mambu ma lumbu ke lumbu?
Yave ozolele vo, ‘twavovanga e ludi kwa muntu yo nkwandi.’ (Zakariya 8:16, 17) Ediadi aweyi disongele? Disongele vo vava tumokenanga ye esi nzo eto, akweto a salu, mpangi zeto muna nkutakani yovo ayadi, ke tufwete vunanga ko ngatu bendomona mambu. Akwa ziku ke beyiyanga lekwa y’akwau ko yovo kubavuna. (Tanga Ngana 24:28 ye Efeso 4:28.) Befutanga mpaku zawonso belombwanga. (Roma 13:5-7) Muna mambu mama ye mankaka, tusonganga vo “tuzolele kala akwa ziku muna mambu mawonso.”—Ayibere 13:18.
3. O kala akwa ziku nkia nluta dikututwasila?
Avo tuzayakene vo tu akwa ziku, akaka bekutubunda e vuvu. Tusadisa e nkutakani yakala mu luvuvamu. Tukala mpe ye ntona zavelela. Kuna diak’e sambu, ‘tuviengesa e longi dia Nzambi wa Mvuluzi eto,’ yo fila wantu ankaka bakala ye luzolo lwa zaya Yave.—Tito 2:10.
ZAYA DIAKA MANKAKA
Tala una Yave kemona ye nluta olenda vua avo osongele ziku. Tala mpe una olenda kadila nkwa ziku muna mambu mayingi ma zingu.
4. O kala nkwa ziku Yave diyangidikanga
Tanga Nkunga 44:21 ye Malaki 3:16, i bosi vana e mvutu za yuvu eyi:
-
Adieyi obenze, ekuma ke dinina dia ngangu ko mu sweka e ludi?
-
Muna ngindu zaku, aweyi Yave kemonanga vava tuvovanga e ludi, kana nkutu vava dikalanga diampasi?
Vava wana bevovanga e ludi, beyangidikanga mase mau. Yeto mpe vava tuvovanga e ludi, tuyangidikanga Yave
5. Kalanga nkwa ziku ntangwa zawonso
Wantu ayingi bekwikilanga vo ezak’e ntangwa diampasi dikalanga mu kala nkwa ziku. Kansi, badika e kuma tufwete kadilanga nkwa ziku ntangwa zawonso. Tala e VIDEO.
Tanga Ayibere 13:18, i bosi, badika una tulenda kadila akwa ziku kwa . . .
-
yitu yeto.
-
akweto a salu yovo a sikola.
-
ye muna mambu mankaka.
6. O kala nkwa ziku nluta dikututwasilanga
Kuna lubantiku, dilenda moneka vo o kala nkwa ziku mpasi ditwasanga. Kansi kuna kulanda, obakula vo i diambu disundidi o wete ofwete vanga. Tanga Nkunga 34:12-16, i bosi, vana e mvutu za kiuvu eki:
-
O kala nkwa ziku, aweyi dilenda tomesena zingu kiaku?
-
O yakala yo nkento bena vo akwa ziku besiamisanga longo lwau
-
Asadi bena vo akwa ziku bebundwanga e vuvu kwa mfumu zau za salu
-
Awana bena vo akwa ziku muna nsi bezingilanga, bebundwanga e vuvu kwa mfumu za tuyalu
AVO MUNTU UVOVESE VO: “O vuna muna mambu makete, ke sumu kwandi ko.”
-
Ekuma okwikidilanga vo Yave omenganga luvunu lwawonso?
MAMBU MASINA MA LONGI DIADI
Yave ozolele vo akundi andi bakala akwa ziku muna mambu mawonso bevovanga yo vanga.
Nkia Mambu Olongokele?
-
Mu nkia mambu olenda songela vo u nkwa ziku?
-
Ekuma ke dinina dia ngangu ko mu yindula vo tulenda sweka e ludi?
-
Ekuma ozolele kadila nkwa ziku muna mambu mawonso?
TALA MPE OMA MALENDE
Aweyi mase balenda longela wan’au kimana bakala akwa ziku?
O lungisa e nsilu mieto, nkia nluta dilenda kututwasila?
Tala e kuma tufwete futilanga e mpaku, kana nkutu vo ke zisadilwanga mu mpila wambote ko.
“Nga Ofwete Futa Mpaku?” (Eyingidilu dia 1 dia Okutoba, 2011)
Nki kiafila nkwa luvunu mosi mu soba e zingu kiandi?
“Yalongoka vo Yave Nkwa Nkenda ye Nloloki” (Eyingidilu dia 1 dia Mayu, 2015)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
