YUVU YA ALEKE
Ekuma Tukwendelanga Muna Tukutakanu Muna Seka dia Kintinu?
Konso lumingu, Mbangi za Yave bekutakananga nkumbu miole muna fulu yau ya nsambila iyikilwanga vo Maseka ma Kintinu. Nkia mambu mevangamanga muna tukutakanu twatu ye nkia nluta tulenda kutwasila?
Nkia mambu mevangamanga muna Seka dia Kintinu?
E Seka dia Kintinu i fulu kina wantu bekutakananga mu longoka una Bibila kilenda kubasadisila muna zingu kiau. Tukutakanu twatu tulenda kusadisa mu:
longoka e ludi mu kuma kia Nzambi.
bakula e nsas’a mambu mevangamanga mu lumbu yeto.
kituka muntu ambote.
solola akundi ambote.
Nga Ozeye wo? E fulu ya tukutakanu twa Mbangi za Yave iyikilwanga vo Maseka maa Kintinu, kadi e Kintinu kia Nzambi i diambu ditoma vovelwanga.—Matai 6:9, 10; 24:14; Luka 4:43.
Ekuma ofwete kwendelanga muna tukutakanu?
Mana olongoka mekusadisa. E nkanikinu mia Bibila milongwanga muna tukutakanu twa Mbangi za Yave mikusadisa mu ‘vua ngangu.’ (Ngana 4:5) Ediadi disongele vo e Bibila kilenda kusadisa mu baka nzengo zambote muna zingu. Kilenda kusadisa mpe baka mvutu za yuvu yamfunu nze:
Adieyi dikutubwilanga vava tufwanga?
Tala miaka ntu mia malongi mevovellwanga muna tukutakanu tweto twa nsuk’a lumingu:
Ekuma Ofwete Fidilwa kwa Nkand’a Nzambi?
Akweyi Lenda Vwila Lusadisu Muna Ntangw’ampasi?
Kintinu kia Nzambi Adieyi Kivanganga kwa Yeto Owau.
“Lumbu kimosi, nkw’ame a sikola wayenda kuna lukutakanu. Wavuanda kumosi ye esi nzo eto, twamvana e nkanda mieto mialongokela. Kuna mfoko wampovesa vo wasivika kikilu e mvutu o wantu bavananga muna malongi ma lukutakanu ma yuvu ye mvutu. Wavova mpe vo muna dibundu diandi ke bena ye nkanda mia longokela ko nze mina tuna miau.—Brenda.
Nga Ozeye wo? Muna tukutakanu ke mu lombwanga nzimbu ko, ke muvangwanga mpe nsinsani ko.
Okwenda muna tukutakanu dikukasakesa. Bibila kivovanga vo kimosi muna kuma Akristu bekutakenenanga muna tukutakanu i ‘kasakesa muntu yo nkwandi.’ (Ayibere 10:24, 25) Okala entwadi yo wantu bevuanga Nzambi o mfunu ye akaka, dialukasakeso kikilu mu nza yayi yazaya ye akwa loko.
“Vava iviokesanga lumbu kiamvimba kuna salu, iyoyanga yo kendalala, kansi ampangi muna Seka dia Kintinu bekunkasakesanga. Kuna mfoko a tukutakanu, ivutukanga kuna nzo ye kiese, ediadi dikunsadisanga mu kala wakubama mu lumbu kilanda.”—Elisa.
Nga Ozeye wo? Vioka 120.000 ma nkutakani za Mbangi za Yave zina mu nza yawonso, belungananga mu fulu vioka 60.000. Muna kuma kia lutangu lwa wantu luwokelanga kaka muna nkutakani, konso mvu tezo kia 1.500 za Maseka ma Kintinu metungwanga. a
a Muna solola e fulu kia lukutakanu, wenda vanga vasonama “Tu aki nani,” bosa vana “Tukutakanu,” i bosi, bosa vana vasonama “Solola Fulu Kina Lukufi.”
Nanga Oyangalela Mpe Malongi Mama
WHAT YOUR PEERS SAY
E Bibila Aweyi Kilenda Kunsadisila?
E mvutu zilenda kusadisa mu kala ye zingu kiakiese.
MVUTU ZA YUVU YA BIBILA
O Kala ye Dibundu Nga Mfunu Dina?
Nga muntu kalenda sambila Nzambi mu mpil’andi?
