Ve. Vava tusamunanga e nsangu zambote muna nzo ye nzo, ke tutokanenanga luvuluzu lweto ko. (Efeso 2:8) Ekuma?

 Yindula e nona eki: Muntu mosi wa nkwa ntima amvevo osidi o nsilu wavana lukau luantalu kwa konso muntu oluaka va fulu kimosi muna lumbu kiasikidiswa. Avo okwikidi muna nsilu wa muntu ndioyo, nga olanda luludiku lwandi? Ingeta! Nanga ozayisa dio mpe kwa akundi ye yitu yaku kimana oyau mpe batambula lukau lwalu. Kansi, ke landa kaka luludiku lwandi ko dikufwanisa mu tambula lukau. Mu kuma kia ntim’a mvevo a muntu ndioyo kaka otambulwila lukau lwalu.

 Diau adimosi mpe, Mbangi za Yave bekwikilanga muna nsilu a Nzambi wa vana moyo a mvu ya mvu kw’awonso ana bekunlemvokelanga. (Roma 6:23) Tusamuna lukwikilu lweto kw’akaka ye vuvu kia sia vo oyau mpe babaka nluta muna nsilu mia Nzambi. Kansi, ke tukwikilanga ko vo e salu kia samuna nsangu zambote i kiau kikutuvuluza. (Roma 1:17; 3:28) Kieleka, ke vena diambu ko kalenda vanga o muntu edi dikumfwanisa mu vua nsambu zazi za Nzambi. “Watuvuluza ke mu diambu dia mambu mambote ko twavanga, kansi muna nkanda zandi kaka.”—Tito 3:5.