1964-ЖЫЛЫ Маноквариге (Батыш Папуа) атайын пионер болуп дайындалдым. Ал жердеги жыйналыш жергиликтүү диний жетекчилер тарабынан катуу каршылыкка дуушар болуп жаткан. Барганымдан көп өтпөй эле, бир протестант диний кызматкер үйүмө атырылып кирип келип:

«Азыр үйүңдүн таш-талканын чыгарып, Манокваридеги Жахабанын Күбөлөрүнүн көзүн тазалайм!» — деп кыйкырды.

Мурда полиция кызматкери болгондуктан анын опурулганынан коркуп кеткен жокмун. Ошентсе да сылык сүйлөдүм, акыры, ал үйдөн чыгып кетти (1 Пет. 3:15).

Маноквариде ал кезде 8 эле жарчы бар болчу. Бүгүн, 50 жылдай өткөндөн кийин, 7 жыйналыш бар. 2014-жылдагы региондук жыйынга 1 200дөн ашык киши келди. Жахабанын бул алыскы аймакта кылып жаткан иштерин көргөнүмдө, жүрөгүм кубанычка толот.