Угуучуларыңа өздөрүн текшерүүгө жардам бер. Аларга ой-сезимдерин текшерүүгө жардам бериш үчүн риторикалык суроолорду бер.

Угуучуларыңдын ниетине шектенбей турганыңды көрсөт. Аларды жакшы иштерди эмне үчүн кыларын текшерүүгө үндө. Алар бардыгын чын ниеттен — Жахабага, адамдарга, Ыйык Китептеги окууларга болгон сүйүүсүнөн улам — кылууга түрткү алгыдай болсун. Угуучуларыңа ой жүгүрткөнгө жардам бер; акыл үйрөткөндөн кач. Сөзүңдүн аягында алар уялып калгыдай эмес, кубаттанып, колунан келгендин баарын кылууга шыктанып калгыдай болушсун.

Көңүлдү Жахабага бур. Ыйык Китептеги окууларда, принциптерде, буйруктарда Кудайдын сапаттары жана сүйүүсү кандайча чагылдырыларын баса белгиле. Угуучуларга Жахабанын сезимдерин эске алып, ага жагууга болгон каалоосун өрчүтүүгө жардам бер.