Жашыя 13:1—33
13 Жашыянын карылыгы жетип калганда,+ Жахаба ага: «Сен карып калдың, бирок силер ээлей турган жерлер али көп.
2 Ал жерлер булар:+ пелиштиликтер менен гешурлуктардын+ бүт жери
3 (Нил дарыясынын Мисирдин чыгыш жагындагы салаасынан* канаандыктарга таандык деп эсептелген түндүктөгү Экрондун жанындагы чек арага чейинки жерлер),+ анын ичинде Газаны, Азотту,+ Ашкелонду,+ Гатты,+ Экронду+ башкарган пелиштилик 5 башкаруучунун жери,+ түштүктөгү абымдардын жери,+
4 канаандыктардын бүт жери, сидондуктарга+ таандык Меара жана аморлуктардын чек арасындагы Апекке чейинки жерлер,
5 гебалдыктардын+ жери, бүт Лебанон жеринин күн чыгыш тарабы, Хермон тоосунун этегиндеги Баал-Гаттан Лебо-Хаматка*+ чейинки жерлер,
6 тоолуу аймакта, Лебанондон+ тартып Мисрепот-Майымга+ чейинки жерлерде жашагандардын жана бүт сидондуктардын жери.+ Мен аларды ысрайыл элинин алдынан өзүм кууп чыгам.+ Сен болсо тек гана ал жерди, мен буйругандай, ысрайыл элине үлүшкө бөлүп бер.+
7 Ал жерди 9 урууга жана Менаше уруусунун жарымына энчи катары бөлүп бер»,— деди.+
8 Менаше уруусунун берки жарымы болсо Рубейин жана Гат уруулары менен чогуу Иордандын чыгыш тарабындагы Муса берген жерди энчиге алышкан болчу. Жахабанын кызматчысы Муса аларга берген жерлер булар:+
9 Арнон өрөөнүнүн+ четиндеги Ароерден+ башталган жер, өрөөндүн ортосундагы шаар, Дибонго чейинки Медеба бөксө тоосунун баары,
10 аморлуктардын Хешпондо башкарган падышасы Сихондун Амондун урпактарынын чек арасына чейинки бардык шаарлары,+
11 Гилат жери, гешурлуктар менен маахаттыктардын жери,+ бүт Хермон тоосу, Салхага чейинки+ бүт Башан жери,+
12 Аштарот менен Эдрейде башкарган жана репаимдердин акыркысы болгон+ Башан падышасы Ок ээлик кылган жерлердин баары. Муса ал жерлерде жашагандарды жеңип алып, кууп жиберген болчу.+
13 Бирок ысрайылдыктар гешурлуктар менен маахаттыктарды кууп чыгышкан жок.+ Алар азыркыга чейин ысрайылдыктардын арасында жашашат.
14 Муса Леби уруусундагыларга гана үлүшкө жер берген эмес.+ Анткени Ысрайылдын Кудайы Жахаба өзү убада кылгандай,+ алардын үлүшү — Кудайга арналган өрттөлчү тартуулар.+
15 Муса Рубейин уруусундагы үй-бүлөлөргө үлүшкө жер бөлүп берген.
16 Аларга берилген жерлер булар: Арнон өрөөнүнүн четиндеги Ароерден башталган жерлер, өрөөндүн ортосундагы шаар, Медебанын жанындагы бөксө тоонун баары,
17 Хешпон жана бөксө тоодогу ага караштуу шаарлардын бардыгы,+ Дибон, Бамот-Баал, Бет-Баал-Меон,+
18 Жаас,+ Кедемот,+ Мепат,+
19 Кириатайым, Сибма,+ өрөөндөгү тоодо жайгашкан Серет-Шахар,
20 Бет-Пеор, Пазги+ тоосунун боорлору, Бет-Жешимот,+
21 бөксө тоодогу шаарлардын баары жана аморлуктардын Хешпондо+ бийлик кылган падышасы Сихонго караштуу жерлердин баары. Муса Сихон падышаны жана ошол жакта жашаган Мидиан башчыларын: Сихонго баш ийген Эби, Рекем, Зур, Хур, Реба+ деген падышаларды өлтүргөн болчу.+
22 Ысрайылдыктар кылыч менен өлтүргөндөрдүн арасында Беордун уулу төлгөчү+ Билам+ да бар болчу.
23 Рубейин уруусунун чек арасы Иордан болгон. Ал жердин баары шаарлары, айыл-кыштактары менен кошо Рубейин уруусундагы үй-бүлөлөргө берилген.
24 Андан кийин Муса Гат уруусундагы үй-бүлөлөргө үлүшкө жер бөлүп берген.
25 Аларга берилген жерлер булар: Жазер,+ Гилаттагы бүт шаарлар, Амондун тукумдарынын жеринин+ Раббанын+ тушундагы Ароерге чейинки жарымы,
26 Хешпондон+ Рамат-Миспе менен Бетонимге чейинки, Маханаимден+ Дебирдин чек арасына чейинки жерлер,
27 өрөөндөгү Бет-Арам, Бет-Нимра,+ Сукот,+ Сапон, Хешпондун падышасы Сихон ээлик кылган жерлердин калган бөлүгү.+ Гат уруусунун чек арасы Иордан менен Иордандын чыгышындагы Кинерет деңизинин+ түштүк жээги болгон.
28 Ал жер шаарлары, айыл-кыштактары менен кошо Гат уруусундагы үй-бүлөлөргө берилген.
29 Андан кийин Муса Менаше уруусунун жарымына, алардын үй-бүлөлөрүнө үлүшкө жер бөлүп берген.+
30 Аларга берилген жерлер булар: Маханаимден+ тартып бүт Башан жери, Башандын падышасы Ок ээлик кылган бүт жерлер, Жайырдын+ Башандагы бардык айыл-кыштактары*, 60 шаар.
31 Гилаттын жарымы жана Башандагы Ок падышалык кылган Аштарот, Эдрей+ деген шаарлар Менашенин уулу Махирдин урпактарына,+ башкача айтканда, Махирдин урпактарынын жарымына, алардын үй-бүлөлөрүнө берилген.
32 Муса ушул жерлерди аларга Жерихонун чыгышында, Иордан дарыясынын аркы өйүзүндөгү Мааптын чөлдүү түздүктөрүндө жүрүшкөндө берген.+
33 Ал эми Леби уруусундагыларга Муса үлүшкө жер берген эмес.+ Себеби алардын үлүшү — Ысрайылдын Кудайы Жахаба. Ал муну өзү убада кылган.+
