Жашыя 20:1—9
-
Баш калкалоочу шаарлар (1—9)
20 Анан Жахаба Жашыяга мындай деди:
2 «Ысрайыл элине мындай деп айт: „Мен силерге Муса аркылуу айткан баш калкалоочу шаарларды бөлүп койгула.+
3 Ал жакка кимдир бирөөнү атайылап эмес, кокусунан өлтүрүп алган киши качып барат. Ал шаарлар өлгөн кишинин кунун кууган адамдан баш калкалай турган шаарлар болот.+
4 Бирөөнү өлтүрүп алган киши ошол шаарлардын бирине качып барсын+ да, анын дарбазасынын алдына туруп,+ эмне болгонун шаардын аксакалдарына айтып берсин. Ошондон кийин алар аны шаарына киргизип, жашай турган жер беришсин. Ошентип, ал алар менен жашап калат.
5 Эгер өлгөн адамдын кунун кууган киши анын артынан кууп келсе, шаар аксакалдары аны кууп келген кишинин колуна салып беришпесин, себеби ал тиги кишини жек көргөндүктөн эмес, кокусунан өлтүрүп алган.+
6 Ал ошол шаарда жамааттын* алдында сот жүргүзүлгөнгө чейин жашап турсун.+ Анан күнөөсүз экени далилденсе, ал жакта калып, ошол учурдагы башкы дин кызматчы өлгөнгө чейин жашасын.+ Андан кийин кайсы шаардан качып келсе, ошол шаарга, өз үйүнө кайтып барса болот“».+
7 Ошондо алар Напталы уруусуна тийген тоолуу аймактагы Галилеядагы Кедешти,+ Эпрайым уруусуна тийген тоолуу аймактагы Шекемди,+ Жүйүт уруусуна караштуу тоолуу аймактагы Кириат-Арбаны,+ башкача айтканда, Хебронду ошол максатта бөлүп коюшту*.
8 Андан сырткары, Иордандын аркы өйүзүнөн, Жерихонун чыгыш тарабынан Рубейин уруусуна караштуу бөксө тоодогу чөлдө жайгашкан Безерди,+ Гат уруусунун жеринен Гилаттагы Рамотту+ жана Менаше уруусуна караштуу Башандагы Голанды+ беришти.+
9 Бул шаарлар ысрайыл эли менен алардын арасында жашаган бөтөн жерликтер үчүн баш калкалай турган шаарлар болот. Кимдир бирөөнү кокусунан өлтүрүп алган адам жамааттын алдында сот жүргүзүлгөнгө чейин+ маркумдун кунун кууган кишинин колунан өлүп калбашы үчүн ошол шаарларга качып барат.+
